SAL7741, Act: V°28.1 (57 of 325)
Search Act
previous | next
Act V°28.1  
Act
Date: 1447-07-27
LanguageNederlands

Transcription

2019-12-02 by Gerry Van Helmont
It(em) uut dien dat willem geheeten de smet die nae den rechte der stad van loeven(e) comen/
en(de) geleydt es totten goeden henrix en(de) oliviers geheeten deens gebruede(re) sone jans deens van /
wuestmeerbeke metter stad brieven van loeven(e) opden dach van heden dach van rechte/
hadde doen doen de voirs(creven) gebruede(re)n die hem ongebruyck deden aende goede h(ier) nae bescreve(n)/
Inden yersten aen een block lants houden(de) drie boend(er) gelegen ond(er) arschot aenden ouden/
royberch It(em) aen eenen sack rogs erflijc op zeke(re) goede arnts de goutsmet gelegen te/
langdorp It(em) aen een huys en(de) hof gelegen tarschot buyten der scaluyn poerten neven de/
goede jans vander coevoert It(em) aen een stuck wijng(ar)ts gelegen te langdorp opten dornenberch/
tusschen de goede staess van boechout en(de) jans vander coevort ende de voirs(creven) willem/
hem opten dach van heden voe(r) meye(r) en(de) scepen(en) van loeven(e) tegen de voirs(creven) gebruede(re) te/
rechte p(rese)nterende ald(aer) zij niet comen en sijn So hevet tvo(n)nisse der scepen(en) van loeven(e)/
gew bij co(n)tumacien des voirs(creven) gebruede(re)n t(er) manissen smeyers gewijst datmen den/
voirs(creven) wille(m)me vanden voirs(creven) goeden houden sal in sijnen beleyde also v(er)re het noch/
voe(r) hen comen es cor(am) om(n)ib[(us)] existen(tibus) in sca(m)pno des dond(erdaigs) julii xxvii
Contributorsmyriam bols
Moderated bymyriam bols
Last update: 2014-08-20 by kristiaan magnus