SAL7741, Act: V°77.1 (166 of 325)
Search Act
previous | next
Act V°77.1  
Act
Date: 1447-10-23
LanguageNederlands

Transcription

2020-03-16 by Gerry Van Helmont
I(tem) jan en(de) willem van optielt gebrued(ere)n kijnde(re) willems wilen van/
optielt willem van maelcote zoon wilen reyneers en(de) wouter/
schoelant geheten mathijs alle van tielt in teg(enwordicheit) hebben gekent/
en(de) gelijdt dat zij genomen hebben van h(ere)n goely loenijs cano(n)ic/
regulier en(de) meester tcloest(er)s van s(in)te g(er)trude(n) te loeven(e) de groete/
coren en(de) hoeythienden van onser vrouwe(n) tielt met hoiren toebehoirte(n)/
gelijc die den voirs(creven) cloeste(r) ald(aer) toebehoiren Te houden en(de) te hebben/
van s(in)t jansmisse naestcomen(de) eenen t(er)mijn van negen ja(r)en lang deen/
na dand(er) sond(er) middel volgende elcx jaers dae(re)nbynnen te weten de/
voirs(creven) coerenthiende voir en(de) om xxviii mudden rogx d(er) mathen van/
aerschot xiiii mudden even(en) en(de) xiiii mudde(n) hav(er)neels der/
maten van loeven(e) al goits en(de) cusbairs met wa(n)ne en(de) vloegelen/
wael bereit en(de) de voirs(creven) hoeythiende voir xxviii hollantsche/
gulden(en) van goude goede en(de) gheynge alle ja(r)e te weten tselve gelt/
te s(in)te m(er)tensmisse en(de) tvoirs(creven) coren te kersmisse te betalen en(de) den/
voirs(creven) rogge tarschot opten spijke(r) ald(aer) en de voirs(creven) evene en(de) hav(er)neel/
te loeven(e) in tvoirs(creven) cloester den voirs(creven) h(ere)n goely te leve(re)n den/
voirsc(reven) t(er)mijn due(re)nde en(de) telken t(er)mijne alse v(er)volghde schout cor(am)/
ja(cobo) py(n)nock wynge oct(obris) xxiii
Contributorsmyriam bols
Moderated bymyriam bols
Last update: 2014-08-25 by kristiaan magnus