It(em) de voirs(creven) h(er) goert heeft gekent en(de) gelijdt alse vanden goeden / h(ier) nae bescreven inden yersten [va(n)] x boende(re) lants gelegen inde p(ro)chie / van duffle ter plaetsen geheeten zoutbeke tusschen de goede des / cloest(er)s van tong(er)loe en(de) vranx van halen It(em) [va(n)] drie boend(er) lants geheeten / tcleyn rot gelegen inde voirs(creven) p(ro)chie tusschen de goede des voirs(creven) cloest(er)s / en(de) de strate ald(aer) It(em) [van] ii stucken eeussels d(aer)af deen geheeten es ysermans / bosch dand(er) tscoutbroeck houden(de) tsamen twee boende(re) gelegen by een inde / voirs(creven) p(ro)chie tusschen de gemeyn strate en(de) de goede vranx van halen ende / neven de goede jouffr(ouwe) margrieten wijlen bau d(aer)toe hij voirtijden come(n) / es voe(r) scepen(en) van loeven(en) met eenen contulit dat dat was en(de) es / inden name en(de) tot behoef arnts bau voirs(creven) en(de) dat hij d(aer)inne gheen / recht en heeft noch sculdich en es te hebben in e(n)nig(er) manie(re)n cor(am) / abs(oloens) vynck febr(uarii) iii[a] /