Item de voirs(creven) vijf yerste p(er)sone hebben openbairlijc toegeseeght / en(de) in handen vanden vorste(re) hier nae genoe(m)pt gezwoe(re)n bij / hoe(re)n eede ten heyligen dat zij egheen beleide van loeven oft / van bruessel en hebben dan voirgerieuert zijn noch en zullen / maken vercrigen oft e(n)nichsins gebruycken die den voirs(creven) gelufte(n) / hynd(er)lic soude moegen wesen in e(n)nig(er) manie(re)n Desgelijx hebben / zij geloeft en(de) gezwoe(re)n dat zij voe(r) de voirs(creven) schout vorw(er)den / en(de) geluften hen ne(m)mermeer buyten den lande van brabant / houden noch trecken en zelen noch hen d(aer) voe(r) op tgewijdde / oft in beiden steden houden Cor(am) ja(n)ne bailge vorst(er) heede / holsbeke cleric(is) will(elm)o de berlaer hen(ri)[co] tanginsart et walt(ero) / de vertrijcke junii xiiii /