SAL7743, Act: R°188.2 (261 of 459)
Search Act
previous | next
Act R°188.2  
Act
Date: 1450-02-09

Transcription

2015-08-30 by Dirk Symons
It(em) es bevorw(er)t en(de) de voirs(creven) gelufte es geschiet op dese/
vueghe so wair de voirs(creven) wout(er) van aelst die nu i(n)de/
vrunte sitt voe(r) tvoldoen van zeke(re)n scepen(en) brieve van/
loeven(en) die [van] stgoidshuys van everbode wegen op hem/
gevo(n)nist zijn d(aer)af hij nu geslaect es den voirs(creven) tijt/
van xiiii nachten svoirs(creven) goidshuys moet vanden/
voirs(creven) scepen(en) brieven van [bynnen] den selven tijde gecrijghtt of/
waert dat hij des niet en dade en(de) ten v dage vand(en)/
voirs(creven) xiiii nachten te loeven ind(er) vrunten compt ind(er) manie(re)n hij voer tvoirs(creven) slaeken satt dat dan de voirs(creven)/
gelufte [te] niet zijn sal Voirt es vorw(er)de alw(ae)rt dat/
de voirs(creven) wout(er) gheen vanden voirs(creven) twee punten en/
voldade dat nochtan hij en(de) de voirs(creven) borghen vand(en) voirs(creven) geluften gestaen zelen met te voldoen de/
voirs(creven) scepen(en) brieve die van svoirs(creven) goidsh(uys) wegen/
op den voirs(creven) woute(re)n gevo(n)nist sijn ind(er) manie(re)n sij/
sculdigh souden zijn te doen of zij de selve brieve/
mede geloeft hadden eisd(em)/
ContributorsInge Moris
Moderated byInge Moris
Last update: 2015-09-23 by Inge Moris