It(em) will(el)mus van zurpele jacobus de kermpt et nycholaes vanden putte/ als momboe(re)n der fabrijken der kercken van senter viven toplynte(r) in teg(ewoirdicheyt)/ der scepen(en) van loeven gestaen hebben gegeve(n) en(de) bekent dat zij gegeve(n)/ hebben inden name en(de) van wegen der selv(er) fabrijken janne van wanghe/ woenen(de) toplynte(r) sone gheerts wijlen van wanghe thoff der selv(er) fabrijke(n)/ ten broecke metten wynnen(de) landen en(de) beemden den selve(n) hove toebehoiren(de)/ en(de) ande(re)n sijnen toebehoirte(n) de houden te hebben en(de) te wynne(n) van/ half merte dat was int jaer ons he(re)n dusent vierhond(er)t en(de) seven(en)/ veertich eene(n) t(er)mijn van sess jae(re)n langc deen nae dand(er) sond(er) myddel/ volgen(de) elcx jaers dae(re)n bynne(n) te weten de voirs(creven) wynnen(de) lande/ voe(r) en(de) om achthiene mudde hards coe(re)ns pachts en(de) mate van thienen/ te weten sess halst(er) der selv(er) mate(n) voe(r) elc mudde gereekent te/ sente andriesmisse apostels te betalen den voirs(creven) momboe(re)n en(de) toplynte(r)/[daert de(n) selve(n) momboe(re)n ald(aer) gelieve(n) sal] te leve(re)n den voirs(creven) t(er)mijn due(re)nde en(de) telken t(er)mijne alse v(er)volghde schout/ ende de voirs(creven) beemde voe(r) en(de) om eene(n)vijftich lichter gulden(en) thien/ stuv(er)s voe(r) elke(n) gulden(en) gereekent en(de) iii stuv(er)s ende tderdendeel van/ eene(n) stuve(r) jaerlijx deen helicht te lynter kermisse en(de) dand(er) helicht/ te kersmisse daer naest volgen(de) te betalen den voirs(creven) momboe(re)n den voirs(creven)/ t(er)mijn due(re)nde en(de) telken t(er)mijne alse v(er)volghde schout It(em) sal de wyn/ voirs(creven) dwynnende block staende voe(r) thoff voirs(creven) laten gewonne(n) en(de)/ geworven gelijc reengenoten ten afsceiden van sijne(n) t(er)mijne en(de) dat/ met getidegen wynt(er)corne besaeyt laten gelijc als hij dat vonde(n) heeft/ in sijne(n) incomene voirt sal de selve wyn de storte geheel laten/ It(em) sal de selve wyn de lande den selven hove toebehoiren(de) alle sess/ jae(re)n sculdich sijn te mestene gelijc reengenote(n) ende als hij de selve/ lande wilt hoe(r)vruchten soe sal hijse d(aer) voe(r) oec sculdich sijn te mestene/ It(em) sal de selve wyn jaerlijx den voirs(creven) t(er)mijn due(re)nde sculdich sijn te/ leveren drie hond(er)t walme(re) de huysinge de huysinge des selfs hoefs mede te deckene/ en(de) alsmen die verdecke(n) sal soe sal de voirs(creven) wyn den wercliede(n) den/ montcost gheven en(de) de momboe(re)n der fabrijken voirs(creven) de dachhue(re)n/ It(em) sal de voirs(creven) wyn oec jaerlijx der kercken van oplynte(re) hale(n) twee/ voed(er) steencolen elc voed(er) met drie p(er)den maer de momboe(re)n sullen/ de colen quiten opde cuyte en(de) den voerman sijne(n) cost gheven en(de) and(er)s/ niet ende men salse toplynte(re) opte(n) kerchof leve(re)n It(em) sal de voirs(creven) wyn/ oec jaerlijx de selven t(er)mijn due(re)nde opte voirs(creven) goede sculdich sijn te/ settene viventwintich goede poten en(de) voertmeer sal hij voe(r) elke(n) ver/ droeghden boem die hij aff helt [houwt] twee goede poten setten en(de) die houde(n)/ en(de) bevrede(n) datse de beesten niet en verderve(n) It(em) sal de wyn allen die/ goede de(n) voirs(creven) hove toebehoiren(de) bevreden ende om meerd(er) sekernisse/ alle dese vorw(er)den (et)c(etera) h(ier) af sijn borge(n) svoirs(creven) wynne(n) alse principale/ sculde(re)n ongesund(er)t en(de) elc voe(r) al gheert en(de) henricke van wanghe bruede(re)n/ svoirs(creven) wynne(n) p(ri)m[(us)] willem(air) hazenb(er)ghe aug(usti) xxix/