It(em) gielijs vanden dale sone henrix wijlen vanden dale heeft genomen/ van brued(er) gielijse vanden broecke conv(er)s sgodshuys van gruenendale/ derthien dachmael lants oft d(aer) omtrent in twee stucken gelegen d(aer)af/ deen stuck houden(de) omtrent elff dachmael es gelegen inde p(ro)chie van/ opvelpe tusschen de goede henrix vanden borchoven aen twee zijden de erf/ genamen joerden foets aen de derde zijde en(de) de strate ald(aer) aende vierde/ zijde en(de) dand(er) stucke houden(de) omtrent twee dach(mael) es gelegen inde p(ro)chie/ van bierbeke op tveldeken acht(er) lijsbetten sgroven gelegen tusschen de/ goede der selv(er) lijsbetten en(de) beatrusen lijsen en(de) neven de goede she(re)n van/ opvelpe en(de) wout(er)s sbriev(er)s geheeten de mu(n)te(re) gelijc tvoirs(creven) godsh(huys) de voirs(creven)/ twee stucken lants ald(aer) houden(de) [es] Te houden te hebben(de) en te wynne(n) van/ half m(er)te lestleden eenen t(er)mijn van neghen jae(re)n langc deen nae dand(er)/ sond(er) myddel volgen(de) elcx jaers dae(re)nbynne(n) opten tsijs d(aer) voe(r) uutgaende/ die hij betalen sal sond(er) cost en(de) last des voirs(creven) godshuys ende voirt/ meer op drie en(de) een half mudde rogs goets en(de) payabels d(er) maten/ van loeven(en) te sente andriesmisse apostels te betalen en(de) te loeven te leve(re)n/ den voirs(creven) godshuyse alle jae(re) den voirs(creven) t(er)mijn due(re)nde en(de) telken t(er)mijne/ alse v(er)volghde schout In desen bevorw(er)t en(de) ond(er)sproken dat de voirs(creven)/ gielijs vanden dale ten yersten t(er)mijne maer gheven s en sal maer twee/ en(de) h een half mudde rogs en(de) ten lesten t(er)mijne maer drie mudde/ It(em) sal de voirs(creven) gielijs vanden dale de voirs(creven) lande bynne(n) den lesten/ drien [jae(re)n] vanden voirs(creven) t(er)mijne wael en(de) loflic ov(er)mesten en(de) altoes wael/ en(de) loflic wynne(n) en(de) werven gelijc sijne(n) reengenoten boven en(de) beneden/ en(de) ten uutgaen vanden voirs(creven) t(er)mijne bloot laten cor(am) eisd(em)/