Item de voirs(creven) sculde(re)n hebben gekent dat zij voe(r) vorste(re) inden/ name vanden he(re) en(de) voe(r) poirt(er)s voe(r) de voirs(creven) lijfpensien ende/ geluften inden voirs(creven) scepen(en) brieve begrepen en(de) als tot eene(n)/ ond(er)pande vand(er) selver hebben opgedragen en(de) in handen ge/ stelt den voirs(creven) lodewijcken tsilver w(er)ck hier nae genoempt/ te weten eene(n) nap den knoep en(de) boert vergult en(de) met/ clauwen vergult opten voet eenen ov(er)decten croes vergult/ en(de) vier zilve(re)n scalen wegende tsamen xi marck en(de) ii onse(n)/ troys gewichts aen welc silver de voirs(creven) lodewijck en(de) jouffr(ouwe)/ katlijne zijn wijf hen selen moegen richten oft zij gebreck/ hadden aende voirs(creven) lijfrente en(de) geluften d(aer)af h(ier) voe(r) geloeft/ en(de) alse de selve lijftocht afgeleeght is oft verond(er)pant nae/ inhouden sbriefs so sal de voirs(creven) lodewijc [tvoirs(creven) silver] die dat kendde ind(er)/ voirs(creven) vuegen ontfaen te hebben overgeven en(de) telive(re)ne(re)n den/ ghenen die hem de voirs(creven) bewijsnisse of afquiti(n)ge doet dwelc/ zij zame(n)tlic overgegeven en(de) gewillecoert hebben cor(am) eisd(em)/