It(em) want jan ende lyebrecht van houthem gebruede(re) soene h(ere)n yweyns/ wijlen van houthem ridders gevo(n)nist heeft voe(r) meye(r) ende scepen(en) van/ loeven(e) zeke(r) scepen(en) brieve van loeven(e) sprekende van liiii guill(elmus) schilde/ en(de) xx rijnsch(e) gulden(en) erflijker renten die de voirs(creven) wijlen h(er)yweyn ge/ cocht en(de) gecregen hadde aen en(de) op thoff geheeten van eleshem met alle(n)/ sijne(n) toebehoirten wijlen philips van madeghem gelijc de selve philips/ de voirs(creven) goede inde p(ro)chien van eleshem van waesmont ende van wynde/ in vele steden en(de) stucke(n) ald(aer) te houden plach ge ende gelijc zeke(r) scepen(en)/ brieve van loeven(e) op de selve erfrente gemaect dat claerder inhouden/ en(de) begrijpen ende tvo(n)nisse der scepen(en) van loeven(e) gewijst heeft dat / de voirs(creven) gebruede(re)n trecken souden metten meye(r) en(de) scepen(en) van loeven(e)/ opte voirs(creven) pande ende vonde(n) sij d(aer) te panden soe souden zij panden en(de)/ en vonden zij ald(aer) niet te panden soe soude hij voirtvae(re)n metten rechte/ So sijn de voirs(creven) meye(r) en(de) scepen(en) getrocken opte voirs(creven) pande d(aer) zij te pande(n)/ vonde(n) xxxv stucken hoe(re)n veets die den voirs(creven) gebruede(re)n de voirs(creven) goede/

ende ond(er)pande voe(r) gebreke van hue(re)n voirs(creven) renten en(de) voe(r) cost en(de) co(m)mer/ d(aer)op gegaen gelev(er)t wae(re)n cor(am) willem(air) hazenb(er)ghe aug(usti) penulti(m)a