It(em) want bouwen de houwe(re) gevo(n)nist heeft voe(r) meye(r) ende/ scepen(en) van loeven(e) seke(r) scepen(en) brieve van loeven(e) den eenen/ sprekende van vijf gulden pe(n)ninge geheeten rid(er)s d(er) mu(n)ten sh(er)toge(n)/ van burg(oingni)[en] en(de) van brab(ant) voe(r) datu(m) des briefs gemu(n)t goet/ en(de) gheve jaerlijk(er) lijfpensien ten live des voirs(creven) bouwens en(de)/den ande(re)n van die hij heeft op de goede h(ier)nae genoempt reyners/ wijlen le(m)mens van steenhuffle Inden yersten aen en(de) op een/ stuck ond(er) lant bog(ar)t en(de) wate(r) gelegen inde p(ro)chie van steenhuffle/

neven de strate ald(aer) geheeten oyvae(re)n nest met sijnd(er) toebehoirte(n)/ houden(de) inde mate vier boende(r) en(de) een half luttel myn oft meer/ gelegen inde p(ro)chie van steenhuffle neven de strate ald(aer) gaende/ te lond(er)ssele en(de) te merchte(re)n tusschen de selve strate en(de) de goede/ der he(re)n van pitsemborch en(de) ald(er)naest den goeden splynt(er)s van/ merchten(en) It(em) aen en(de) op een huys en(de) hof met sijnd(er) toebeh(oirten) gelege(n)/ oec te steenhuffle neve(n) de strate ald(aer) tusschen de goede des voirs(creven)/ wijlen reyners le(m)mens over beide zijden en(de) den ande(re)n sprekende/ van drie mudden rogs d(er) maten van hoembeke lijfpensien ten/ live des voirs(creven) bouwens aen en(de) op drie boende(r) ond(er) eeussele elsbosch/ en(de) lants luttel myn oft meer des voirs(creven) wijlen reyners gelegen/ inde p(ro)chie voirs(creven) ter plaetsen geheeten hulsbosch neve(n) de strate/ gaende van steenhuffle te rossem waert neve(n) de goede henrix/ van hoe(re)nbeke en(de) ald(er)naest den goede(n) henrix le(m)mens van welken/ renten hij in gebreke es ende tvo(n)nisse der scepen(en) van loeven(e)/ gewijst heeft dat de voirs(creven) bouwen toecken soude metten voirs(creven)/ meye(r) en(de) scepen(en) van loeven(e) opte voirs(creven) pande en(de) vonde hij ald(aer)/ te pande(n) soe soude hij pande(n) en(de) en vonde hij ald(aer) niet te pande(n)/ soe soude hij voirtvae(re)n metten rechte so sijn de voirs(creven) meye(r)/ en(de) scepen(en) getrocken opte voirs(creven) pande d(aer) zij niet te panden en/ vonden en(de) hebben den voirs(creven) bouwen de voirs(creven) goede en(de) ond(er)pande/ voe(r) gebreke van sijne(n) voer voirs(creven) renten en(de) voe(r) cost en(de) co(m)mer/ d(aer)op gegaen met rechte [geleydt ende] in handen gestelt cor(am) willem(air) hazenb(er)ge/ julii iiii[ta]