Item also als henrick en(de) jorijs svroeden diemen he[e]tt fijte/ onlanx [al]zo zij zeyden ind(er) stad van gheerondsberghe met/ c(er)tificacie brieven vand(er) stad van loeven(en) aengeveerdt hebben/ en(de) hen zijn laten volghen [als] naeste erfgenamen lijsbetten wile(n)/ snep(ar)ts hoe(re)r nichten ind(er) voirs(creven) stad van gheerondsb(er)ghe/ aflivich worden zijnde Alsulken goede beide have en(de) erve/ als de selve wilen lijsbeth bynnen der selv(er) stad hadde en(de)/ na hae(r) bleven zijn op zeke(re) borchtocht die de voirs(creven) gebruede(re)n/ voe(r) de wet aldair voer de selve goede gestelt hebben dair/ voe(r) hoe(r) borghe bleven es een geheten bertelmeeus voirsp(ra)ke/ ind(er) voirs(creven) stad van gheerondsb(er)ghe So sijn comen voe(r)/ scepen(en) van loeven(en) de voirs(creven) gebruede(re)n en(de) hebben openbairlic/ geloeft end(e) toegeseeght ongesund(er)t en(de) elc voe(r) all dat zij/ den voirs(creven) b(er)telmeeuse hoe(re)n borghe zijn erven en(de) nacomeli(n)g(en)/ vand(er) voirs(creven) borchtocht tot eeuwigen dagen scadeloes en(de)/ co(m)merloes houden en(de) ontheffen selen Ende oft zij e(n)nige/ schade last of cost hadden of leden uut ocsuyne vand(er)/ voirs(creven) borchtocht hoedanich die wae(re)n die hebben de/ voirs(creven) gebruede(re) geloeft hen opte richten en(de) te v(er)gelde(n)/ alse schout met rechte v(er)wonnen end(e) v(er)reyct allen/ argelist hier inne uutgesceyden hier wae(re)n over abs(oloens)/ hazenb(er)ghe ja(nuarii) xiiii
//