Peter goede/ Item also als peter goede poirt(er) der stad van loeven(en) te meer/ stonden brieve vand(er) selv(er) stad weghen verworven heeft gesonden te/ worden aenden meye(r) van bourguevaul bege(re)nde vanden selven ver/ richtinge van seke(re)n saken en(de) oec seke(re) schout (et)c(etera) ende op heden de voirs(creven)/ p(ar)tien comen sijn bijden raide der stad van loeven(en) ald(aer) nae dat den selven/ meye(r) bijden voirs(creven) pete(re)n opgedaen es geweest tgebreck en(de) den eysch/ die de voirs(creven) pet(er) den voirs(creven) meye(r) eysschen(de) was ende de voirs(creven) meye(r)/ hem d(aer)op int langhe verantwerdende heeft ten slote geboden te thoenen/ dat van alsulken gebreken als de voirs(creven) pet(er) poerte(r) opgedaen hadde/ zeke(re) uutsprake bij segge(re)n voe(r) wette gecoe(re)n ende verbonden geschiet/ wae(r) gelijc de cyrographen totten welken hij hem gedroeghe oft tot/ scepen(en) monde die daer over geweest wae(re)n begrepen moegen hebben/ en(de) onthouden so heeft de raet vand(er) stad mids dat de voirs(creven) pet(er)/ hem verdroegh e(n)nich thoenisse geleydt te worden voe(r) recht en(de) besceit/ tusschen de selve p(ar)tien uutgesproken datmen der uutspraken vanden/ voirs(creven) segg(ere)n naevolghich zij ende oft tot vord(er)nisse vandien oft and(er)ssins/ de voirs(creven) peter e(n)nich behulp van rechte oft besceide behoeven(de) es dat/ hem de voirs(creven) meye(r) d(aer)inne vord(er)lijc zij en(de) quijte also dat behoirt ende/ van dat de voirs(creven) meye(r) zeke(re) waerden indes voirs(ceven) poirt(er)s goede tot/ groot(er) cost des selfs poirt(er)s al eer geleeght mach hebben en(de) dat/ meer es zeke(re) ombehoirlijke woerde op trecht vander porterien/ oft porte(re)n der voirs(creven) stad gesproken gelijc dat noch ombethoent/ met zeke(re)n ke(n)nissen eensdeels bijden voirs(creven) meye(r) uutstaen mach/ dat nempt en(de) behulpt de stad tot hoirwaert om hoer d(aer)nae/ te moegen vueghen totten voirs(creven) meye(r) waert oft des voird(er) met e(n)nige(n)/ ande(re)n saken behoefde actu(m) in ple(n)[o] (con)silio p(rese)ntib[(us)] ambob[(us)] burgim(a)g(ist)ris ja(nuarii) xiiii
//