It(em) joerijs van udekem heeft verhuert en(de) bekent dat hij v(er)huert heeft/ bij oirlove she(re)n vanden gronde henricke van gorshem een stuck ond(er)/ wijng(ar)t en(de) hof met zijnen toebehoirte(n) gelegen inde beghijne(n)strate/ tegen den arenborne ov(er) tusschen de goede jans vanden bossche briede(r)/ en(de) de goede lijsbetten smeets gelijck de voirs(creven) jorijs de selve/ goede ald(aer) houden(de) es Te houden te hebben ende te gebruycken van/ alre heilige(n)messe naestcomen(de) over vijf jaer deen nae dand(er) sond(er)/ middel volgende elx jairs voe(r) en(de) om een ame en(de) x quarten/ loevensch wijns alsulkcx als op tvoirs(creven) goet jairlix wassen sal/ te wijntide te betalen en(de) ten woenhuyse des voirs(creven) henrix/ uut vollen cuypen te leve(re)n den voirs(creven) t(er)mijn due(re)nde en telken/ t(er)mijne alse vervolghde schout met zulke condicien dat de/ voirs(creven) henrick betalen sal drie oude grote die uuten voirs(creven)/ goeden gaen sond(er) afslach vanden voirs(creven) pachte en(de) oftmen/ bevonde dat dair myn uut ghinge dat sal den voirs(creven) he(n)ricke/ te baten comen Voirts so sal de voirs(creven) henrick den voirs(creven) tijt/ due(re)nde den voirs(creven) wijng(ar)t wel en(de) loflijck wynnen en(de) werken/ ten prise vanden ghenen die hen des verstaen cor(am) willem(air)/ hazenb(er)ghe februarii v[ta]