Desen brief es bekent te des(er) meyni(n)gen dat de voirs(creven) p(er)sone dien/ hij bekent es hen d(aer)mede sullen doen beleyden alst hen [oft den eene(n) van hen] gelieft totten/ goeden des voirs(creven) henrix h(ier) ond(er) genoempt en(de) v(er)claert die de selve/ henrick gecocht en(de) v(er)cregen heeft in sijnen wedewen stoele Om/ de selve goede te [d(aer) mede te doen] hebben en(de) te volgen tot eeuwigen dagen den nae/ kynde(re)n des voirs(creven) henrix die hij heeft van adelen vanden trappen/ sijnen nae [derden] wive yerst totten eene(n) huyse en(de) hove met sijnre toebeh(oirten)/ geheeten wout(er)mans huys gelegen inde groeve tusschen thuys en(de)/ hof des voirs(creven) henrix d(aer) bij gelegen ter banck waert en(de) de goede/ henrix en(de) gheerts quantelarts gebruede(re)n It(em) tot eene(n) huyse en(de)/ hove geheeten schoenhoven met sijnre toebeh(oirten) gelegen te huldenb(er)ge/ tusschen de goede jans de becke(re) steenmetsers ende de goede der/ erfgenamen goessens wijlen van baersele It(em) tot drien dachmalen/ lants gelegen te huldenb(er)ge op treyniersvelt It(em) tot eenen bog(ar)dekene/ gelegen in oec te huldenb(er)ge neve(n) de strate gaende van huldenb(er)ge/ te loeven waert It(em) tot drie vie(re)ndeel lants gelegen ald(aer) neve(n)/ wout(er)s pyntinx goede ne en(de) neve(n) de voirs(creven) strate It(em) tot twee/ bloecxkene wynnens lants gelegen ter loenbeken It(em) tot drie/ vie(re)ndeel lants gelegen ald(aer) It(em) tot twee mudden rogs d(er) maten/ van ijssche erfs pachts op een huys en(de) hof met sijnre toebeh(oirten)/ merten arnts gelegen te huldenb(er)ge en(de) op meer ande(re) goede des/ selfs m(er)tens ald(aer) gelegen It(em) tot eene(n) mudde rogs erfs pachts/ op een huys en(de) hof met sijnre toebeh(oirten) wijlen symoens faets/ nu toebehoe(re)nde der jouffr(ouwe) van breyne gelegen te huldenb(er)ghe/ aende plaetse It(em) tot eene(n) mudde rogs erflic op een huys en(de)/ hoff met sijnre toebeh(oirten) henrix meys gelege(n) te huldenb(er)ge aende/ plaetse en(de) meer ande(re) goede des voirs(creven) henrix ge meys gelijc/ de brieve d(aer)af gemaect dat begrijpen Behoudelic dat de moed(er)/ der voirs(creven) kynde(re) hoe(re) tocht inde voirs(creven) goede hebben sal en(de) vande(n)/ voirs(creven) goeden sullen de geleyde den voirs(creven) kynde(re)n altijt behoirlijke/ guedinge en(de) vesticheit moege(n) doen vanden voirs om hen/ die erflijc nae hoe(re)r voirs(creven) moed(er) doot te moege(n) volgen en(de)/ oec soe en salmen h de(n) voirs(creven) henricke de menge(re) sijn leefdage/ langc aende voir int gebruyck vanden voirs(creven) goeden metten/ voirs(creven) brieve gheen hynd(er) doen eisd(em)/