Van arnde truydens en(de) h(ere)n janne vanden schriecke prieste(re)/ Item also als arnd truydens poirt(er) d(er) stad van loeven(en) boven den inhouden/ zeke(re)r t(er)mi(n)acien der selver stad staende inde middel came(re) int boeck van xl/ xiii daghe in januario en(de) oick boven geluften van zeke(re)n scepen(en) brieven van/ loeven en(de) den inhouden van zeke(re)n instrume(n)ten voe(r) notarise en(de) getuygen/ gepasseert ongebruyckich gemaict heeft he(re)n janne vanden schriecke prieste(re)/ capellaen vand(er) capelrien van s(in)te pet(er)s altare ind(er) kercken van langdorp/ die pet(er) wilen truydens te pet(er)s zone op zeke(re) goede ald(aer) gelegen gefu(n)deert/ en(de) gedoteert heeft ende de selve goede van zeke(re)n vruchten vervloott/ van hoeye en(de) ande(re)n vruchten den selven altare toebehoirende gelijck/ de voirs(creven) h(er) jan bijden raide vand(er) stad op heden int langhe dat bij/ bracht heeft dair de voirs(creven) arnd met zeke(re)n zijnen brieven en(de) thoeniss(en)/ tegewoirdich zijnde niet en heeft konnen t(er) contrarien bij gebringen/ dat hem e(n)nichsins hadde moegen verschoenen om tot den erfdo(m)me/ vanden voirs(creven) goeden gericht te zijne of om de selve vruchten ond(er)/ te houden So heeft de raed vand(er) stad nae volcomen deliberacie/ hierop gehadt get(er)mineert en(de) te rechte uutgesproken dat de voirs(creven)/ arnd den voirs(creven) capellaen alle ongebruyck aende voirs(creven) goede afdoen/ sal nae begrijp oic d(er) voirs(creven) yerst(er) t(er)mi(n)acien Ende dat de selve arnd/ sond(er) vertreck den voirs(creven) h(er) janne also recteur des altairs voirscr(even)/ wed(er)ke(re)n en(de) restitue(re)n sal des hij vanden voirs(creven) goeden ontbloott/ en(de) ontvreemdt mach hebben en(de) heeft dae(re)n teynden de voirg(enoemde)/ arnd yet te v(er)volgen dat hij dat doen mach met rechte d(aer)/ dat behoirt Act(um) p(re)sidend(ibus) lye(ming)[en] lynthre burgim(a)g(ist)ris et plu(r)ib(us)/ aliis de (con)silio sab(bat)[to] junii xxvii/