Item es vorwerde en(de) heeft m(ijn) he(re) voirs(creven) geconsenteert dat den/ voirs(creven) schoutbrief en(de) beleidbrief selen bliven ond(er) scepen(en)/ van loeven tot behoef der voirs(creven) p(er)sone en(de) elx van hen/ Te des(er) meyni(n)gen oft de voirs(creven) he(re) van berghen de voirs(creven)/ renten niet af en quijtte bynnen sess jaren naestcomen(de)/ dat zij hen alsdan selen moegen behulpen op alle zijn/ goede van opvelpe van arkenen en(de) zijn woeni(n)ge te/ loeven die te belasten oft te vercoepen tot dat de selve/ afquiti(n)ge geschiet sal zijn In sgelijcks selen zij hen moege(n)/ behulpen om aen de selve goede te nemen alle costen/ co(m)me(r) en(de) verleggen(e) het zij van pachte renten vroe(n)tcoste/ brieven oft ande(re)n hoedanich dat wae(r) om die zij om d(er)/ voirs(creven) borchtochten wille liden of hebben selen in e(n)nigher/ manie(re)n en(de) in sgelijcks of e(n)nighe vanden voirs(creven) p(ar)tien/ hen bynnen den selven sess jaren tot afleggen(e) of bewijsniss(e)/ praemden dat zij dan die met den selven goeden selen/ moegen afleggen Tot desen heeft geloeft de voirs(creven) he(re)/ van berghen den voirs(creven) borgen in handen te stellen/ met rechte inden hof de voirs(creven) goede also verre die leen/ zijn tot hue(re)r maniss(en) Ende hebben geloeft de voirs(creven)/ geleidde te gelijcken laste den ande(re)n behulpich te wesen met/ den voirs(creven) beleide cor(am) eisd(em)