It(em) jan bollarts woenende bij nyvele te waulterbraken heeft ov(er)gegeven/ en(de) bekent dat hij ov(er)gegeven heeft vrancken van coelhem smet alle/ alsulken recht van momborien [als] hem als naeste erfgenaem katlijnen bollarts/ docht(er) wout(er)s wijlen bollarts oem des voirs(creven) jans om der selver katlijne(n)/ te v(er)momboerne en(de) te houden v(er)schenen mach wesen Ende heeft d(aer)om de/ voirs(creven) vranck geloeft en(de) toegeseeght den voirs(creven) ja(n)ne dat hij der voirs(creven)/ katlijnen die een arm stom meysken es hoe(r) leefdaghe langc wael en(de)/ temelijc nae hoe(re)n staet houden sal bij hem houden sal en(de) hoe(r) oft hij/ aflivich wordde doe met sijne(n) [hoe(re)n] goeden [sal] doen houden en(de) hoe(re) behoefte/ van eten drincken cleede(re)n scoen en(de) and(er)ssins gheven sal [en(de) doen hebben] also dat behoirt/ en(de) den selven vrancken en(de) sijn goede vander voirs(creven) momborien volco/ melic ontlasten aen eene(n)yegelijken sond(er) argelist voirts heeft de/ voirs(creven) vrancke geloeft dat hij der voirs(creven) kathelinen goede der selv(er)/ katlijne(n) leefdage langc wael en(de) loflic sal houden wynne(n) en(de) werve(n)/ gelijc reengenoten en(de) oft e(n)nige van dien bij gebreke van betalinge/by van tsijse uuten voirs selve(n) goeden gaende bynne(n) den selve(n) tijde/uutgewinen uutgewonnen wordde die gebreke(n) heeft sal de voirs(creven)/ vrancke voldoen [en(de) op richten] alse v(er)volghde schout pynnoc g(odefrido) roelofs junii/ xxvi/