It(em) Also als op heden bijden raide vand(er) stad alh(ier) comen sijn claes de/ kersmake(re) ende jacob pynnoc tsamen met hen zeke(re) hoe(re) medeplichte(re)n/ en(de) borgen jonck(er) jans he(re) te wesemale etc(etera) t(er) eenre zijden ende h(er)/ henrick van dyest he(re) te rivie(re)n thomaes vand(er) mee(re)n inden name en(de)/ van weghen jouffrouwe annen wedewe anthoenijs wijlen thoenijs en(de)/ jacob vanden werve voe(r) hem en(de) oec voe(r) jouffr(ouwe) barbelen van oerly etc(etera)/ ter ande(re) Aldaer nae zeke(re) opdoen dat de voirs(creven) claes opdede bege(re)nde/ dat de voirs(creven) he(re) vand(er) rivie(re)n ende sijn medeplichte(re)n doeghdelijke/ reekeni(n)ge en(de) bewijs doen wilden vanden goeden des voirs(creven) jonckers/ die zij voe(r) gebreck van v(er)antw(er)den van zeke(re)n lijfpensien die div(er)se/ p(er)sone ind(er) stad van bruessel zund(er)linge geseten opte voirs(creven) goede/ hebbende sijn Gemerct dat de selve goede langwijle d(aer) voe(r) ge/ praempt sijn geweest also de voirs(creven) claes opdede en(de) oft dat also/ niet sijn en mochte soe moesten hen de voirs(creven) borgen dien also zij/ seyden de voirs(creven) goede nae des(er) stad recht in handen gestelt wae(re)n/ d(aer) nae vuegen te rechte den voirs(creven) he(re) vand(er) rivie(re)n inden name als/ voe(r) d(aer)op v(er)antw(er)dende seyde dat hij hoepte dat zij nyeman(t) sculdich/ en wae(re)n reekeni(n)ge te doen vanden voirs(creven) goeden dan den voirs(creven) joncke(re)n/ nyetmyn soe v(er)re den selven joncke(re) oft yeman(t) van sijne(n) wegen d(aer)toe/ gelast geliefde d(aer)toe te v(er)staen sij wilden g(er)ne tot reekeni(n)ge hem/ gheven en(de) oec in teg(ewoirdicheit) vanden voirs(creven) borgen of e(n)nigen van hen ende/ ald(aer) mocht de stad oec oft haer geliefde e(n)nige van hae(re)n raide bij/ schicken sij wouden hen tot allen besceide gheven soe v(er)re zij mynlijke(n)/ en(de) doeghdelijken d(aer) mede ov(er)comen mochten en(de) oft des also niet en/ geboerde so beg(er)den sij en(de) p(ro)teste(re)n op hoe(re) beloep van rechte voirtaen
//
te moegen staen Ende want dit nae seke(re)n tusschen spreken/ van e(n)nigen vanden raide d(er) selv(er) stad also redelic gedocht heeft/ te geschiene So heeft zij beg(er)t aen beide de p(ar)tien dat zij desen/ naevolgende hen d(aer)toe gheven ende (con)sente(re)n wouden dwelc beide/ de voirs(creven) p(ar)tien also gedaen hebben en(de) d(aer)toe openbairlic voe(r) den/ raide vand(er) stad dach en(de) tijt genomen sdijsdaighs nae belokene(n)/ paesschen naestcomen(de) tijtlic ind(er) h(er)bergen alh(ier) te sijne om des/ ande(re)n daighs d(aer)toe te verstaene ind(er) manie(re)n voirger(uert) Act(um)/ p(re)sidentib[(us)] lye(min)[gen] wynghe burg(imagistr)[is] et aliis de (con)silio fe(r)ia quarta/ m(ar)tii xiiii/