van denijse de le wastine/ Item Nae dat raes van pierpont met eenre zeke(re)r ghichtingen sprekende/ van hond(er)t rijd(er)s d(aer) mede hij denijse de le wastine meyndde te rechte ver/ ghicht te hebben den selven denijse inder vroenten alhier hadde doen doen etc(etera)/ Es nae thoenisse vanden burg(er)meest(er) ten tijde vand(er) clachten der selv(er) gichtinge(n)/ wesende ende ande(re)n getuygen ten v(er)suecke des voirs(creven) denijs d(aer)op verhoert inden/ raide vander stad ov(er)dragen ende get(er)mineert dat de voirs(creven) gichtinge van gheenre/ weerden en es en(de) te nyeute wesen sal dwelc tusschen de voirs(creven) p(ar)tien te rechte/ uutgesproken es en(de) den voirs(creven) raesse geseeght de costen d(aer)op gegaen ende/ van dat hij den voirs(creven) denijse also hadde doen houden selve te dragen voirt/ es ov(er)dragen den voirs(creven) raesse den voirs(creven) denijse alh(ier) te moegen aenspreken/ en(de) dat de selve denijs hem te rechte staen sal d(aer)toe sij beide op morgen/ voe(r) der noenen voe(r) meye(r) en(de) scepen(en) rechts te plegen dach genomen hebben/ in alsulk(er) vuegen oft de voirs(creven) raess hem d(aer)toe behoirlijc niet en vordert/ dat de voirs(creven) denijs van hem ontslagen sal wesen sond(er) also uut dien ocsuyne/ voird(er) gemoeyt te wordden dit geschiedde p(re)sedentib[(us)] lye(min)[gen] wynge in/(con)cilio fe(r)ia iiii[ta] sept(embris) xiii a(nn)[o] lii/