It(em) van alsulken stoote ende geschille als opv(er)staen es tusschen reynuwairde/ de mons geheeten mitron nu t(er)tijt meyer te p(er)weiz ter eenre zijden/ en(de) steven vyolen geheeten van beertehere ter ande(re) van alsulker come(n)scap/ of vorw(er)den van eenen huyse met omtrent sess boende(re)n lants d(aer)toe behoe(re)nde/ gelegen boven p(er)weiz inden lande van namen ald(aer) dwelc jan joye als/ gelast vanden voirs(creven) steven den voirs(creven) reynuwarde vercocht soude hebben/ en(de) de selve steven dien coep naemaels soude hebben belieft ende selve/ d(aer)af geloeft de guedinge te doen ende den cost die de voirs(creven) rey/ nuwart int vervolgen van desen geleden heeft ende van dat de/ voirs(creven) steven den voirs(creven) reynuwarde heyscht weder gerestitueert/ te hebben een coe die de selve reynuart te hemw(er)ts heeft en(de) van/ ande(re)n scaden en(de) schouden en(de) iurioesen? woerden die de voirs(creven) rey/ nuwart op hem gesproken soude hebben d(aer)af de selve steven in/ sijnen eyssche voird(er) cleernisse doen sal hebben hen de selve p(ar)tien/ met raide hoird(er) vriende en(de) de voirs(creven) steven met (con)sente van/ janne vanden borne die naeden rechte van des(er) stad tot sijnre haven/ geleydt es vanden selven stooten en(de) van allen ande(re)n stucken/des des zij and(er)ssins tot malcande(re)n te seggen moegen hebben/ totten dage toe van heden verbonden en(de) gesubmitteert in segg(ere)n/ en(de) vrientlic yffene(re)n Te weten de voirs(creven) reynuwart in perchan/ de jauchelet en(de) rutgheerde van p(er)weiz beide scepen(en) te p(er)weiz/ en(de) de voirs(creven) steven in janne eernarts en(de) gielson soen willems/ de merdo in alsulk(er) vuegen dat elc vanden voirs(creven) p(ar)tien sijne(n)/ eysch en(de) besceit setten sal in gescrifte en(de) dat ov(er)gheven den/ segge(re)n sijnre wed(er)p(ar)tien bynnen viii dagen naestcomen(de) d(aer)op elc/ vanden selven p(ar)tien sijn v(er)antw(er)den maken sal ende dat setten/ in gescrifte ende dat ov(er)gheven den segge(re)n sijnre wed(er)p(ar)tien/ bynnen viii dagen d(aer)nae en(de) de selve segge(re)n dbesceit ende ver/ antw(er)den ov(er)hebbende vanden p(ar)tien voirs(creven) sullen dat vesente(re)n/ en(de) alle cleernissen en(de) thoenisse d(aer)af behoevende aenhoe(re)n te/ p(er)weiz op dats behoeft want de ghene die vander saken te/ spreken moegen weten d(aer)omtrent woenen bynne(n) viii dagen/ dan d(aer)nae v(er)volgende [en(de) thoeniss(e) en(de) dbescheit al aengehoert selen de voirs(creven) segge(re)n hoe(re) uutsprake d(aer)af doen bynne(n) viii dagen dan d(aer) na v(er)volgende] op dat zij des eens ende van accoerde/ sijn voe(r) scepen(en) van loeven(en) en(de) oft zij des niet eens gewordden/ en consten so sullen zij des samentlic comen voe(r) scepen(en) van/ loeven(en) met allen den besceide dat zij vanden voirs(creven) p(ar)tien over/ hebben sullen en(de) halen des een vo(n)niss(e) en(de) uutsprake van rechte/ bynne(n) viii dagen d(aer)nae Ende of e(n)nig(er) p(ar)tien segg(er) gebrake die sal/ in die stad eene(n) gelijken moegen setten Ende hebben geloeft de/ voirs(creven) p(ar)tien vast en(de) gestentich te houden alle tgheen des bijden/ voirs(creven) segge(re)n oft scepen(en) van loeven(en) d(aer)af geseeght en(de) voe(r) recht/ uutgesproken sal werdden cor(am) tymple wynghe julii xii/