pater noster/ Vander aenspraken die arnt van gobbelsrode geheeten vanden hove meye(r) van/ bout(er)shem gedaen heeft tot janne pat(er)noster poerte(re) der stad van loeven(en)/ van dat hem de selve jan geloeft soude hebben op zeke(re) gevallen hofsteden/ den voirs(creven) janne toebehoe(re)nde gelegen ond(er) de heerlicheit van bout(er)shem te/ goerbroeck te setten op elke hofstad een sate of voe(r) elke sate hem d(aer)op te/ bewijsen eene(n) capuyn erflic biedende de selve gelufte te thoenen d(aer)toe hij/ op heden dach hadde tot welken dage hij niet en thoende noch onschout/ d(aer)af en allegeerde hoewael hij voe(r) oegen was hevet tvo(n)nisse d(er) scepen(en)/ van loeven gewijst so waer de meye(r) niet en thoende ten opstaen/ smeyers en(de) van hen gelijc hij en dede dat dan de voirs(creven) jan der aensp(ra)ken/ ongehouden sijn soude cor(am) pynnoc g(odefrido) roelofs l(udovico) roelofs tymple naen velpe/ wynghe no(vembris) vii[a]/