Item vanden stoote en(de) geschille die opverstaen es tuschen janne/ en(de) symoene vanden putte gebruede(re)n zoene symoens wilen/ vanden putte in deen zijde symoen vanden putte zoen arnts/ wilen vanden putte brued(er) der voirs(creven) gebruede(re)n en(de) henricke/ van boenrode als man en(de) momboer alijten zijns wijfs/ docht(er) des voirs(creven) wilen arnts in dande(re) Alse van zeke(re)n goeden/ gebleven na de doot lijsbetten wilen vanden putte zuster/ d(er) voirs(creven) gebrued(ere)n So zijn de selve p(ar)tien des comen voe(r) scepen(en)/ van loeven en(de) hebben hen vanden selven stoote gekeert en(de)/ gesubmitteert in segge(re)n en(de) vrientlic yffene(re)n te weten de/ voirs(creven) gebruede(re)n [met hoe(re)n medep(ar)tien] in h(er) lambrechten zwallart p(er)soen van kyeseke(m)/ en(de) mathise cloest(er)man en(de) de voirs(creven) symoen arnts zoen en(de)/ henrick in henricken de gouwe(re) en(de) ja(n)ne vanden velde in/ alsulk(er) vuegen dat de voirs(creven) segge(re)n hoe(re) uutsprake op heden/ vanden voirs(creven) geschille doen selen op dat zij des eens zijn/ en(de) van accorde en(de) oft zij des niet eens geworden en consten/ so zelen zij dbescheid van beiden p(ar)tien doen stellen in gescrifte/ en(de) dat brengen en(de) ov(er)gheven voe(r) twee meest(er)s van rechte/ bynnen d(er) stad van loeven(en) bynnen viii dagen naestcomen(de)/ die hoe(re) uutsp(ra)ke d(aer)af doen selen tuschen dit en(de) be[lo]kenen/ paeschen d(aer)na volgende En(de) hebben geloeft de voirs(creven) p(ar)tien/ en(de) elc p(ar)tie op eene(n) banduyn van xl rijd(er)s tot behoef/ onss gened(ichs) he(re)n tsh(er)togen vast gestentich en(de) van weerde(n)/ te houden wes bijden voirs(creven) segge(re)n of meest(er)s va(n) rechte/ gedaen en(de) uutgesproken sal wordden En(de) oft e(n)nig(er) p(ar)tien etc(etera)/ Cor(am) velpe naen fe(bruarii) pe(nulti)[ma]/