Gheeram vanden heetvelde en(de) gielijs de vriese/ Item vander saken geport voe(r) meye(r) en(de) scepen(en) van loeven tuschen gheera(m)me/ vanden heetvelde die met scepen(en) brieven van loeven gegoedt en(de) geerft es/ ond(er) dande(re) in eenen beemd gelegen inde p(ro)chie van strijthem ten gehuchte/ neven de slachmoelen ald(aer) t(er) eenre zijden ende gielijsen de vriese als/ wettich man en(de) momboir joffr(ouwe) katlijnen skegels t(er) ande(re) Alse vanden/ voirs(creven) goeden en(de) besund(er) van dat de voirs(creven) gheeram hielt dat tvoirs(creven)/ stucke beemds voerd(er) hem strecte dan de voirs(creven) gielijs hem kendde/ en(de) begheerde d(aer)om de selve gheeram vanden selven goeden gelijc hij/ dat cleerde en(de) seyde hem uut te strecken in zijnen beleide gehoude(n)/ te werden meynende dat hem dat alsoe sculdich wae(re) te volgen/ d(aer)af de voirs(creven) gielijs de contrarie hielt en(de) hadde d(aer)om op te selve/ goede bego(n)nen te p(ro)cede(re)n inde banck vanden welken tuschen de/ voirs(creven) p(ar)tien aensprake en(de) verantwerden verhoert wordden en(de) oic/ zeke(re) t(er)mi(n)acien d(er) stad van loeven voermaels geschiet den selve(n)/ goeden aengaende So hebben de scepen(en) van loeven t(er) manissen/ smeyers gewijst voer een vo(n)niss(e) dat zij de voirs(creven) p(ar)tien vand(en)/ voirs(creven) saken setten inden hof daer die begonnen was recht ald(aer)/ te gheven en(de) te nemen Cor(am) pynnoc g(odefrido) roelofs l(udovico) roelofs tymple/ naen velpe wynge m(ar)tii xx/