It(em) mychiel broechain poirt(er) d(er) stad van lov(en) voe(r) hem ende hennekene/ zijne(n) knape geheten van florense t(er) eenre zijden en(de) henricke(n) chapelle/ sgrant sbaillius vanden walschen brabande ter ande(re) zijn ov(er)comen en(de)/ hebben geloeft voe(r) den borg(er)meest(er) te volvue(re)n tgheens des h(ier) na volght/ te weten dat de voirs(creven) henrick sal doen ontslaen t(er) stont den voirs(creven) he(n)neken(e)/ op vestich(eit) die hem aleer gedaen sal werden dat de voirs(creven) he(n)neken en(de) zijn/ meest(er) van en vrydage naistcomen(de) ov(er) viii daghe te mistide te loeve(n) selen/ comen voe(r) den rade vand(er) stad alhier tot behoirlijk(er) kynniss(en) van rechte/ en(de) te betalen alsulken cost van rechte als de stad van des(er) wijsen sal/ oft de voirs(creven) henneken geremitteert wordt Behoudelic dat de voirs(creven) vestich(eit)/ oic slaen sal den voirs(creven) he(n)neken(e) dan wed(er) te gaen ind(er) hachten d(air) hij nu es/ cor(am) wynghe borg(i)m(a)g(ist)ro et aliis de consilio sab(ba)[to] ap(ri)lis xxi a(n)no liii