Item laureys vand(er) ca(m)men en(de) willem colvene(re) zijn ov(er)come(n) met mal/ cande(re)n vand(en) geschille tuschen hen uutstaende in des(er) vuegen te weten dat de/ voirs(creven) laureys op morge(n) doen sal wille(m)me voirs(creven) guedinge voe(r) hof en(de) he(re) va(n)/ alsulken gelege als hij tegen den selve(n) laureyse gecregen heeft gelegen te/ wackersele geheten de swane en(de) ald(aer) geloeve(n) lijnkene vand(er) ca(m)me(n) zijnre/ docht(er) d(aer) inne te vervaen als zij mu(n)dich es dat sij dan der voirs(creven) goede oec/ behoirliken af gaen sal Ende de voirs(creven) willem sal hem ten tide vander/ guedinge(n) voirs(creven) vol doen vande(n) so(m)men van pe(n)ningen die willem inder/ coma(n)scap hem d(aer) voe(r) geloefde gelijc goede ma(n)ne en(de) ind(er) manie(re)n goede/ ma(n)ne die d(aer) ov(er) wae(re)n die so(m)me onthouden hebben en(de) cle(re)n selen en(de)/ de manie(re)n van betalinge onthouden hebben en(de) cle(re)n selen d(aer) aen laureys/ voirs(creven) afcortinge doen sal des men sal bevynden by goede ma(n)ne(n) dat/ hij d(aer) op gehave(n) heeft Ende alse vanden costen die laureys seeght gedaen/ te hebben by fauten vander betalinge vand(en) voirs(creven) gelde en(de) om die te/ gecrigen en(de) vand(en) costen die willem voirs(creven) d(aer) om v(er)seten heeft ind(er) vroente(n)/ te loeve(n) welcke costen hem also hij meynd willem sculdich es geheellic/ op te leggen na de vorwerden vand(er) coma(n)scap d(aer) af hebben sij hen gekeert/ in arnde vand(er) hofstat jannese die onlangs custe(re) was te tieldonck en(de)/ arnde van bruessele welke iii p(er)sone de voirs(creven) willem heeft geloeft op/ morgen te bringen te wackersele voerd(er) noene(n) en(de) wes de selve p(er)sone/ cle(re)n by eede also dat vand(en) costen die laureyse soude moegen liden geseeght/ en(de) besproken was ind(er) coma(n)scap d(aer) af zelen zij in beiden zijden te vreden/ staen en(de) desgelijcx selen sij te vreden sijn met des de selve iii p(er)sone seggen/ selen na hoe(re)n goetdu(n)ckene voe(r) reden(en) en(de) bescheid vand(er) voirs(creven) vroentcost/ hoe v(er)re deen p(ar)tie of dande(re) dien sculdich es te dragen En(de) dit al voldaen/ sijnde so sal laureys voirs(creven) de ghichtinge d(aer)mede hij wille(m)me voirs(creven) v(er)ghicht/ heeft voe(r) meye(r) en(de) scepen(en) van loeven(en) te nieute doen en(de) a(n)nichile(re)n/ j(aspar) abs(oloens) et vynck maii xxv/