Item henrick vand(er) heyden briede(r) die gepant hadde met rechte bynne(n)/ zijnen huyse gelegen opt ulake daer pet(er) de valkene(re) uut geruympt/ es zeke(re)n huysraet te weten ii coetsen ii zedele ii bancke i richtbanc i drievoet/ i hael i dritsoer i natte en(de) ii waschcupen voe(r) huyshue(re) heeft op heden voe(r)/ meye(r) en(de) scepen(en) de selve pande gethoent Ende na tdragen vanden vorste(r)/ die met rechte droegh die voe(r) huyshue(re) gelev(er)t te hebben [dede hij] zijne(n) eed dede sijn sijn/ gebrec te groetsende op iii pet(er)s en(de) den cost van rechte naden welken tvo(n)niss(e)/ d(er) scepen(en) wijsde de selve have te moegen v(er)copen also dat gewoenlic/ es Cor(am) witte meersberge no(vembris) xxiii