Item want de voirs(creven) katlijne uut vrientscapen en(de) gunsten de voirs(creven) sess/ rijd(er)s geleend heeft den voirs(creven) janne uut(er) helicht So heeft de selve/ jan uut(er) helicht geconsenteert den voirs(creven) ja(n)nese vanden poele/ dat hij inde(n) name d(er) selv(er) joffr(ouwe) katlijne(n) alle de vruchten/ die hij bynnen desen jare besaeyt heeft of saeyen oft doen/ saeyen sal op alle zijn goede inde p(ro)chie van tieldonck/ gelegen wa(n)neer die tijtverdich zijn ynne doe en(de) tp(ro)ffijt/ d(aer)af comende te hemw(er)t neme om de voirs(creven) vi rijd(er)s/ met den behoirliken costen d(aer)af te nemen en(de) niet meer/ eisd(em)/