Van aubeerde du mont etc(etera)/ Item Also alse onlangs ten v(er)volge jans hannarts die na des(er) stad rechte/ tot allen den goeden aubeerts vanden berghe van lijnshain gescreven/ es geweest aenden meye(r) van nodrai(n)gne dat hij ysabele de le me/ en(de) twee van hoiren kijnde(re)n met hoe(re)n goeden en(de) twee hoire leeke/ zoenen met hoe(re)n p(er)sonen en(de) goeden ond(er) hem wesende bedwonge/ alsulken ongebruyck en(de) letsel af te doen als zij hem doen aen/ iiii mudde corens erflic aen en(de) op zeke(re) goede jans van nadrai(n)gne/ gelegen in div(er)s(er) plaetsen omtrint nodrai(n)gne i bedde met zijnre/ toebehoirten i vrouwen rock met den vued(er)sele i coe en(de) i scrijne/ die den voirs(creven) aubeerte in huwelik(er) vorwerden met d(er) voirs(creven)/ ysabelen docht(er) te huwelike gegeven zijn geweest Ende hadde/ de voirs(creven) ysabeel hoire kijnd(er) of e(n)nich van dien daer tegen yet/ willen seggen oft and(er)s allege(re)n dat sij op heden alhier te rechte/ quamen gelijc de versueck brief d(aer)af dat voird(er) in houden mach/ So heeft de voirs(creven) jan voe(r) meye(r) en(de) scepen(en) op heden als den dach/ van rechte diende tvoirs(creven) ongebruyck inden rechte doen op/ doen Bege(re)nde oft de voirs(creven) p(ar)tien niet en quamen ten opstaen/ van meye(r) en(de) scepen(en) en(de) hen te rechte neyghden dat hij vand(en)/ voirs(creven) goeden in zijnen beleide gehouden wordde Naden welken/ en(de) voirgaend(en) maniss(e) tsmeyers van loeven Es tvo(n)nis d(er) scepen(en)/ van loeven gegaen So waer des voirs(creven) jans p(ar)tien niet en q(ua)me(n)/ oft te rechte en (com)pareerden ten opstaen vanden meye(r) en(de) van/ hen scepen(en) datmen den voirs(creven) janne vanden voirs(creven) goeden/ houden zoude in zijnen beleide also verre alst noch voe(r) hen/ scepen(en) comen wae(re) Ende de voirs(creven) p(ar)tien niet en (com)pareerden/ voir tscheiden vanden voirs(creven) gerichte ald(aer) genoech verwacht en(de)/ voirtgeeyscht zijnde heeft de voirs(creven) jan begheert tvo(n)nis voirg(eruert) ald(us)/ geregistreert te moegen hebben dwelke hem alsoe nae gelegenth(eit)/ van rechts wegen behoirt Act(um) sedentib[(us)] in scabinatu roelants/ witte vynck lynt(er) meersb(er)ge f(eria) iii[a] ja(nuarii) xv/