It(em) henrick de vos lijnenweve(re) heeft gekend en(de) gelijdt dat hij van b(er)telmeeuse van/ ghilsen als geleidt totden goeden goerds adelen volcomelic betaelt en(de)/ v(er)nueght es van alsulken xxv rijders d(er) mu(n)ten etc(etera) als margrieten/ des voirs(creven) henrix wive gelaten sijn zijn in testame(n)te van wile(n)/ katlijnen weduwe symoens wilen zoerbiers Also verre als de/ selve makinge slaet of slaen mach op een huys en(de) hof met zeke(re)n/ lande d(er) selver wilen katlijnen dwelc nu de voirs(creven) goerd houden(de)/ es gelegen inde hoelstrate tuschen de goede arnts de raet en(de)/ henrix maes den voirs(creven) goerde en(de) b(er)telmeeuse en(de) hoe(re) goede/ vand(er) voirs(creven) makingen en(de) van allen ande(re)n makingen van/ testame(n)te(n) die hij of zijn wijf d(aer)op moegen hebben volcomelic/ quijtscelden(de) witte lynte(re) fe(bruarii) xii/