Item jan de bonte geleidt totden goeden gielijs vand(er) hasselt t(er) eenre zijden/ en(de) katlijne van bruesseghem geleidt totden goeden pet(er)s buggenhout/ t(er) ande(re) hebben geloeft dat de voirs(creven) pet(er) ende sijn wijf om tvoldoen van/ alsulk(er) uutspraken alse tusschen den voirs(creven) janne ende pete(re)n lestw(er)f bid(er)/ stad vanden aenbringen(en) van zek(ere)n goeden ma(n)ne(n) van m(er)chten(en) uutgesproke(n)/ is geweest van en sondaghe naistc(omende) ov(er) xiiii nacht te mistide v(er)gade(re)n/ selen metden voirs(creven) goeden ma(n)nen tot m(er)chten(en) bij also oft de voirs(creven) p(ar)tien/ niet v(er)leken en worden so hebben sy geloeft de voirs(creven) katlijne en(de) jan/ van sdijsdaighs d(aer)naest v(er)volgen(de) in viii daghen te mistide alhier te come(n)/ voe(r) meye(r) ende scepen(en) van loeven(en) ende rechts te pleghen ten ynde uut/ also behoe(re)n sal vand(er) saken ende geschille voirg(eruert) in all d(er) vueghen en(de)/ manie(re)n op heden hoe(re)n dach dienende ende sij and(er)s gedaen souden moghe(n)/ hebben eer desen opnemen sond(er) argelist j(aspar) abs(oloens) lynte(re) m(ar)tii vii/