de weduwe snoecks/ It(em) Also als katline weduwe jans wilen snoeck met d(er) stad brieve(n)/ van loeven gescreve(n) aenden meye(r) van vilvoerden of zinen/ stedehoude(re) te leefdale hadde doen bescrive(n) opten dach va(n)/ heden willem(me) vanden vekene van leefdale Alse vande(n) goeden/ hier na bescreve(n) d(aer) toe de voirs(creven) katline met scepen(en) brieve(n)/ va(n) loeve(n) comen en(de) gevesticht es en(de) d(aer)aen de voirs(creven) wille(m)/ haer ongebruyck dede j Te weten yerst i(½) dach(mael) lands/ gelegen te leefdale inde cattendelle tuschen janne daems/ en(de) bertelmeeus moeyen It(em) i dach(mael) opten scheewech gelege(n) tusche(n)/ de goede sgroet gasthuys va(n) loeve(n) en(de) des voirs(creven) bertelmeeus/ It(em) (½) boender lands gelegen voer jan cleynwercks in ii stucke(n)/ deen houden(de) iii vierdel en(de) xxv roeden tuschen de goede/ jans cleynwercx en(de) de strate en(de) dand(er) stuck houden(de) een/ dach(mael) en(de) xxv roeden tuschen de goede sgoidshuys van p(er)cke/ en(de) jans gheylincs ende de voirs(creven) willem alhier tsijne(n)/ dage van rechte niet en heeft geco(m)pareert der voirs(creven)/ katline(n) trecht voerts versuecken(de) So hebben de scepen(en)/ van loeve(n) ter maniss(e) smeyers gewijst voer een vo(n)niss(e)/ zo v(er)re de voirs(creven) willem niet en quame ten opstaen/ smeyers en(de) van hen datme(n) dan der voirs(creven) katline(n) houde(n)/ soude in hoe(re)n scepen(en) brieve(n) vanden voirs(creven) goeden also v(er)re/ also noch voe(r) hen comen es En(de) de voirs(creven) willem en/ co(m)pareerde niet Act(um) cor(am) scabinis in sca(m)pno maii xi/