Cond zij allen lieden dat henrick boets woenen(de) te meylhe(m)/ in teg(ewoirdicheit) heeft genomen en(de) bekend dat hij genomen heeft/ van doretheen weduwe jans wilen [desche] dekene thof d(er) selv(er)/ weduwen gelegen te meylhem metten huisen hoven/ en(de) met den bog(ar)de dae(re)n daer aen gelegen It(em) met den/ bloke acht(er) den selven bog(ar)t gelegen It(em) met den bloke/ gelegen voe(r) tvoirs(creven) hof It(em) met den stucke lants gelege(n)/ ald(aer) aent broeck It(em) noch eene(n) hof d(aer)op wijng(ar)t plach te/ stane Te houden te hebben en(de) te wynnen van halfm(er)te/ naestcomen(de) eenen t(er)mijn van neghen jae(re)n lang deen na/ dand(er) staphans sond(er) middel volgende Elcx jaers/ dae(re)nbynnen voe(r) en(de) om vijf en een half mudde hards/ corens goet en(de) payabel met wa(n)ne en(de) vede(re)n wail/ bereidt pacht van meylhem en(de) mate van loeven te/ s(in)t j andriesmisse ap(oste)ls te betalen en(de) te loeven te leve(re)n/ d(er) voirs(creven) weduwen alle jare den voirs(creven) t(er)mijn due(re)nde/ en(de) telken t(er)mijne alse v(er)volghde schout Ende es/ vorwerde dat de gesellen die [voirs(creven) wyn als hij] jairlix [als hij] den selven pacht/ bringen [sal] selen hoe(re)n [zijnen] montcost selen hebben [sal] vand(er) voirs(creven)/ weduwen en(de) dat deselve weduwe jairlix den voirs(creven)/ wynne leve(re)n sal een hond(er)t walme(re) om de huisinge/ ald(aer) mede te decken en(de) alsmen die ald(aer) verdect so sal de/ selve wy(n)ne den werclieden den montcost geven en(de)/ de weduwe de dachhue(re)n betalen en(de) de wyn sal/ de huisinge houden vand(er) und(er)st(er) rikelen ned(er)wairt op/ zijnen cost het en wae(re) dat dair e(n)nige nyeuwe/ platen oft muere gebraken dat soude de weduwe doe(n)/ maken op hoe(re)n cost It(em) es vorwerde dat de voirs(creven) wyn/ ten lesten jare vanden voirs(creven) t(er)mijne sal besaeyt laten met/ hardden corene tvoirs(creven) block aen den bogaert dland aent/ broeck en(de) den voirs(creven) hof dat wijng(ar)t plach te sijne en(de)/ dand(er) land op zijn getidege voren en(de) dat de wyn de/ voirs(creven) goede wel en(de) loflic bevreden sal en(de) bevreedt [de wege maken en(de)] houde(n)/ also dat de selve weduwe d(aer) by gheene schade en lijde/ en(de) oft mids dien e(n)nige schade op te voirs(creven) goede gedaen/ wordde d(aer)af sal de wynne d(er) weduwe(n) scadeloes houde(n)/ en(de) ontheffe(n) It(em) de wynne sal alle strunchout op te/ voirs(creven) goede staende ten behoirlike(n) tide jairlix moege(n)/ struncken en(de) voe(r) elken v(er)droeghden boem sal de selve/ wyn ii poten vande(n) selven arde moete(n) sette(n) en(de) d(aer)voe(r)/ sal hij de verdroeghde boeme hebbe(n) It(em) de wynne en/ sal gheen stroe uuten voirs(creven) hove moegen vue(re)n dan op/ tvors(creven) lant en(de) tselve lant wynne(n) en(de) werve(n) gelijc reengenote(n)/ Ende dese vorw(er)den etc(etera) witte vynck maii xxvii/

jan le(m)meke(n)s/ behuwde zone des vors(creven) wy(n)nen heeft/ he(m) v(er)loeft alse/ borge en(de) den last/ ond(er)staen cor(am) oppe(n)d(orp)/ cokeroul aug(usti)/ xxii a(nn)[o] lvii/ Et p(ri)m(us) cor(am)/ eisd(em)/