Item also als den dagh van rechte die onlangs diende voe(r) den/ raide vand(er) stad tuschen lijsbetten sbollers die zeke(r) beleidt/ brieve d(air)mede jan stessens tot hue(re)r haven beleidt es yesch/ vande(n) voirs(creven) ja(n)ne wed(er) ov(er) te hebben t(er) eenre zijden en(de) den/ selve(n) jan(n)e t(er) ande(re) uutgesett es geweest tot op heden op/ dat de selve jan hem bedinckende zijn gebreke op doen/ en(de) bijbringen mochte gelijc hij die eynteliken geloefde by te bri(n)gen
//
en(de) te cle(re)n op also lieve hij hem metden voirs(creven) beleide dwelc/ uut zijnen handen bij ordina(n)cien vanden raide ond(er) de stad/ gesett wart behulpen wilde en(de) de voirs(creven) jan dies bid(er)/ voirs(creven) lijsbetten en(de) [oic nu] hoe(re)n man op en saterdage en(de) op den/ dach van heden voirtgeroepen es geweest en(de) verwacht/ niet gecomen en es noch behoirlike onschout gesonden/ So es ov(er)dragen bijden burg(er)meest(er) en(de) raide vand(er)/ stad dat ja(n)ne willems en(de) d(er) voirs(creven) lijsbetten zijne(n) wive/ den voirs(creven) beleidbrief volgen sal den welken hoe(r) [hen] bide(n)/ secretar(is) alhier in handen ov(er)gegeven es geweest/ na de gelegenth(eit) en(de) t(er)mi(n)acien voirscr(even) Act(um) cor(am) kersmak(ere)/ willem(air) burgim(a)g(ist)ris (et) aliis in alio f(eria) ii sept(embris) iii