Item henrick weyns rademake(re) heeft geloeft ja(n)ne van langrode/ te doen een bedev(er)t te melanen en(de) d(er)w(er)c te porren bynnen xl/ dagen naestcomen(de) en(de) goede wairheit d(aer)af te bringen nad(er)/ stad recht voe(r) alsulke quetsue(re) als hij and(er)wile ja(n)ne soen/ des voirs(creven) jans aen gedaen heeft By also of meest(er) willem de draye(re)/ cyrurgijn die de selve quetsue(re) gemeest(er)t heeft cleerde bynne(n)/ den voirs(creven) tijde bij zijnen eede dat de quetsue(re) niet en wae(re)/ een wiekende wonde geweest maer niet dan zijpende dat hij/ dan gestaen soude metten wege op een zijpende staende/ en(de) of meest(er) willem cleerde dat de quetsue(re) zwaerd(er) wae(re) dan/ een wiekende so heeft de voirs(creven) henric geloeft d(aer)na den wech/ d(aer)voe(r) te doen oic naden rechte van des(e) stad en(de) altijt porren/ bynnen desen xl dagen roelants vynck sept(embris) xxiiii/