SAL7747, Akte: V°123.4 (303 van 744)
Akte V°123.4
Act
Transcriptie
2011-12-22 door Jos JonckheerItem vanden gedinge dat geweest is tusschen janne sluysma(n) als man en(de)/
momboer paeschen sijns wijfs wedewe willems wijlen troyaert in deen side/
en(de) goerde vlemyncks soen jans wijlen vlemyncks van landen(en) in dande(re) Alse/
van xxxiii licht guld(en) die de voirs(creven) wijlen jan vlemynck sculd(ich) bleve(n) soude/
zijn geweest den voirs(creven) wijlen willem(me) also jan voirs(creven) boet te houden als/
op enen doden eyschen(de) d(aer)om vandien betalinge te hebben vanden vors(creven) goerde/
want hij have en(de) erve na sijns vad(er)s doot aenveerdt hadde also jan boot te/
thoenen vanden welken hij op heden begonst te thoenen en(de) zeke(re) getugen/
te leyden die hem des niet en droegen also dat na tversueck des voirscr(even)/
goerds de meye(r) de scepen(en) van loeven maende die wijsden voe(r) een vo(n)niss(e)/
so v(er)re jan sluysman niet voert en thoende ten opstaen smeyers en(de) van hen/
gelijc hij en dede dat dan de voirs(creven) goerd d(er) aenspraken ongehouden sijn/
soude Cor(am) roelands witte vync lynte(re) meersberge novembris xxii/
Nagekeken door: Inge Moris
Moderator: Inge Moris
Laatste update:: 2011-12-23 door Inge Moris