Item want de voirs(creven) wilen wolfard sculdich was den voirs(creven)/ augustijne met scepen(en) brieven van loeven ii mudde corens lijftochte(n)/ deen ten live marien en(de) dand(er) ten live h(er)joes zust(er) en(de) brued(er)/ des voirs(creven) augustijns So es tusschen den voirs(creven) augustijne/ in deen zijde en(de) janne de fuyck vad(er) svoirs(creven) wilen wolfarts/ met zijnen vrienden in dande(re) bevorwert dat de voirs(creven) augustijn/ voe(r) de voirs(creven) ii mudde rogs lijftochte(n) va(n) nu voirtaen hebbe(n) en(de) aen/ de goede des voirs(creven) wilen wolfarts heffen en(de) boe(re)n sal met den voirscr(even)/ beleide eene(n) rijd(er) d(er) mu(n)ten sh(er)togen van bourg(oignen) en(de) van brab(ant) of xxv stuv(er)s/ d(aer) voer erflik(er) renten tot d(er)re tijt dat hem dien afgeleeght sal zijn/ met xviii geliken rijd(er)s en(de) met vollen renten welcken rijd(er) jairlicx valle(n)/ sal te s(in)t ja(n)smisse baptisten en(de) des tprincipael d(er) voirs(creven) lijftocht meer/ gedraeght dan xviii rijd(er)s en(de) den acht(er)stel d(aer)af en(de) den cost van rechte/ van desen beleide al tsamen getaxeert en(de) gerekent op iiii rijd(er)s dat/ sal hij desgelijx met den voirs(creven) beleide trecken aende erfrente(n) die de/ voirs(creven) wolfart hadde aende helicht van ii huysen gelegen inde werft ov(er)/ de vyschbrugge die hij geheel heffen sal te met dat die valle(n) tot hij/ betaelt sal zijn vande(n) selven iiii rijd(er)s en(de) begynnen(de) te heffe(n) te s(in)t ja(n)smisse/ naestc(omende) als die rente(n) v(er)schijnen mids welken iiii rijd(er)s hij ghene(n) pacht/ heffen [en] sal ten selven s(in)t jansmisse vand(en) voirs(creven) rijd(er) erflic mair van dien s(in)t/ jansmisse voerts sal hij zijn rente(n) d(aer)aen oic nemen met de(n) zurpl(us) va(n) zijne(n)/ gebreke d(er) voirs(creven) iiii rijd(er)s voerts es vorw(er)de waert dat de voirs(creven) jan de fuyck/ e(n)nige vand(en) voirs(creven) goede(n) doeghdeliken v(er)cochte dat augustijn die goede(n) sal uute(n)/ voirs(creven) beleide by also dat hij de pe(n)ni(n)ge d(aer)af trecke zo verre zijn gebreck gedraeght/ Gevielt oic dat augustijn mids e(n)nige(n) letsele va(n) zijnre voirs(creven) schout of rente(n) tot/ gheenre betali(n)gen en conste gecomen so sal hij hem met de(n) voirs(creven) lijftochtbrieve(n)/ moegen behulpen zo verre dat hij va(n) dien gebreke v(er)nueght werde en(de) and(er)s/ en salmen met de(n) selve(n) lijftochtbrieve(n) niet moege(n) wercken gevielt oic dat/ jan beg(er)de and(er)s met den voirs(creven) beleide e(n)nich behulp gedaen te hebben dat/ sal augustijn he(m) gehouden sijn te doen zond(er) zijne(n) cost of last En(de) doude brieve/ vand(en) voirs(creven) renten op te helicht vand(en) voirs(creven) huise en(de) va(n) seke(re)n ande(re)n goede(n) en(de)/ de lijftocht brieve voirger(uert) staende in een dose d(aer)op al getekent steet dormale/ fuyck selen hier bliven ten behulpe vand(en) voirs(creven) p(ar)tien op te manie(re)n en(de)/ t(er) meyni(n)gen voirscr(even) en(de) oic om den voirs(creven) ja(n)ne d(aer)mede behulp te doen oft hijs/ behoefde zo verre dat niet en gedroege ten hijnd(er) svoirs(creven) augustijns En(de) als des/ voirs(creven) augustijns rijd(er) he(m) afgeq(ue)ten en(de) sijn gebreck voirger(uert) betaelt es so salme(n)/ alle de voirs(creven) brieve met den beleide den voirs(creven) ja(n)ne ov(er)geven eisd(em)/