Item arnd van elze woenen(de) tsinte katlijnen wave(re) die and(er)wile/ geleidt es geweest na den rechte d(er) stad van loeven tot allen den/ goeden have en(de) erve jans wilen van elsen zijns brued(er)s ende/ lijsbetten wilen vande hove wettich wijf doen zij leefde des/ selfs wilen jans in jeg(ewoirdicheit) d(er) scepen(en) van loeven gestaen heeft/ openbairlic gekend en(de) gelijdt dat hij uutmacht vanden voirs(creven)/ beleide en(de) als de ghene dien de voirs(creven) goede mids den selve(n)/ beleide na den rechte voirs(creven) also hij meynde toebehoirden/ wettelic vercocht heeft gielisen en(de) woute(re)n vanden hove/ wettige bruede(re)n d(er) voirs(creven)wilen lijsbetten Alle de goede voirscr(even)/ beide have en(de) erve gelijc die bleven acht(er) den voirs(creven) wilen/ ja(n)ne en(de) zijnen wive hoedanich die zijn en(de) [zo] wairmen die/ bevynden mach voe(r) en(de) om eene seke(re) so(m)me van gelde/ d(aer)af hij hem hielt vanden voirs(creven) gebruede(re)n volcomelic/ v(er)nueght en(de) betaelt gelovende voir hem zijn erfgename(n)/ en(de) nacomelingen de voirs(creven) goede den selven gebruede(re)n en(de)/ hoe(re)n nacomelingen peyslic en(de) vredelic te laten volgen ende/ gebruycken sond(er) hen d(aer) inne e(n)nigen stoot hynd(er) of letsel te/ doen of te doen doen in e(n)nig(er) manie(re)n en(de) also verre alst/ in hem es hen d(aer) af altijt genoech te doen also dat hen vast/ en(de) genoech sijn moege sond(er) argelist m(ychaele) abs(oloens) et vynck maii ulti(m)a/