It(em) Also alse jan turnhout meye(r) tot genepien op heden comen es voe(r) den raide/vand(er) stad alhier opdoende dat hem alse meye(r) ende mids machte van zeke(re) open(en)/brieven ons gened(ichs) he(re)n sh(er)togen volgen mochte alsulken pande en(de) have alse b(er)ne(re)/van keerb(er)gen geleydt ten goeden jans van tylly inden rechte alh(ier) met vo(n)niss(e)/der scepen(en) van loeven(en) gewo(n)nen hadde tegen jouffr(ouwe) ja(n)nen wedewe everarts/wijlen de le hoste voe(r) meye(r) van genepien gemerct dat dat vo(n)niss(e) en(de) de/goede daer dat op sloech rue(re)nde quame van goeden des voirs(creven) jans van/tylly die de voirs(creven) everart als meye(r) v(er)cocht hadde en(de) geexequeert voe(r)/schout aengaende den demainen onss gened(ichs) he(re)n d(aer)af de voirs(creven) jan en(de) zeke(re)/sijn borgen noch tacht(er) wae(re)n onsen gened(igen) he(re) voirs(creven) also hij seyde D(aer)op/de voirs(creven) jan tegenwoirdich sijnde andwerde en(de) seyde dat hem des ze(re) ver/wond(er)de want dit vo(n)niss(e) voerden voirs(creven) b(er)ne(re) gegaen wae(re) en(de) die mochte/voird(er) d(aer)inne spreken oft hij voe(r) oegen wae(re) Maer nae vele tusschenspreke(n)s/de voirs(creven) jan seyde dat hij vol betaelt hadde janne bacheler doen hij rentm(eeste)r/was en(de) meer dan hij sculdich was en(de) dat boot hij te thoenen bege(re)nde/en(de) biddende d(aer)mede voe(r) hem en(de) sijn borgen te moegen gestaen p(rese)nte(re)nde/nochtan want hij in een goede stad van rechte wae(re) rechts te plegen wie/hem d(aer)af e(n)nichsins yet eysschen wilde etc(etera) Den voirs(creven) turnhout d(aer)op repli/ce(re)nde dat hij niet voird(er) aenspreken en wilde and(er)s dan daer sijn open/brieve behoirden etc(etera) Daerop hem de raed vand(er) stad seyde die brieve te/laten staen op hae(re) beloop van rechte p(rese)nte(re)nde vanden saken en(de) vo(n)niss(e)/hier gehandelt eene(n)yegelijken onv(er)togen recht te doen also behoe(re)n soude/Dit geschiedde p(re)siden(tibus) kersmake(re) willem(air) et aliis de (con)silio fe(r)ia iii[a] aug(usti)/xxviii a(nn)[o] liii