It(em) Desen brief hebben de voirs(creven) gehuysschen bekent te des(er) meyni(n)gen datmen/ d(aer)mede behulpich wesen sal den voirs(creven) b(er)telmeeuse dat hem volge nae de doot/ van hen beiden hoe(re)r beid(er) goede have en(de) erve nae hen blivende geheelijc/ en(de) al om die alsdan nae sijne(n) vryen wille te moegen bekee(re)n behoudelijc/ of hij sond(er) wettig(er)e geboerte storve datmen dan de goede d(aer)af hij niet ge/ dysponeert en hadde bynne(n) zijne(n) leven(e) sal laten gaen d(aer) zij naeden land/ rechte sculdich souden sijn te gaen of hij hoe(re)r beider wettige soen wae(re)/ geweest h(ier)inne oic besproken zo waer de voirs(creven) man of wijf van/ e(n)nigen haeflijken goeden v(er)sagen met giften by levend(er) hand of in testa/ mente lijsbetten natuerlic docht(er) der voirs(creven) lijsbetten die zij heeft van/ reyne(re)n moelema(n) datmen dat met desen brieve niet we(re)n en sal maer
//
helpen volvue(re)n en(de) of de voirs(creven) b(er)telmeeus aflivich wordde vad(er) of/ moed(er) noch leven(de) soe [en] salmen met dese(n) brieve br gheenssins moege(n)/ wercken d(aer) mede yeman aen sijn landrecht ontricht soude wordde(n)/ en(de) also lange als de voirs(creven) gehuysschen beide leven soe salme(n)/ altijt als zijs beide bege(re)n dese brieve gheven en(de) in meer vestich(eit)/ sekerh(eit) soe salme(n) nu de voirs(creven) gebruede(re)n opte condicie voirscr(even)/ laten beleyden en(de) of b(er)telmeeuse voirs(creven) geliefde selve geleydt/ te werdden dat salme(n) hem laten doen opte vueghe en(de) ter/ meyni(n)gen voirscr(even) eisd(em)/