Int jaer ons hee(re)n m cccc drie en(de) vijftich na ludicks hoefs seve(n) daghe/ in februario soe is voerwaerde gheschiet tusche(n) suster wijschaert/ p(ri)ori(n)ne en(de) sust(er) masine p(ro)curatersse en(de) brued(er) jan va(n) heest(er)t biechvad(er)/ va(n) dese(n) godshuyse en(de) rombout lauwers wonen(de) te raemsdonc als/ van vijf boend(er) ond(er) lant beemde en(de) weyen gheleg(en) i(n) die p(ro)chie/ va(n) willebroeck ghenoemt goet te puttaerts en(de) van eene(n) half/ boend(er) lants gheleg(en) in scayensbroeck dat rombout geve(n) sal/ neghen jaer langh duren(de) neghen scilde ... te wetene vijftiene/ stuvers voer eynighelike(n) scilt alle jaere te kersmisse te betale(n) .../ en(de) in dit voers(creven) godshuys te leve(re)n de Behoudelike(n) oec dien dat/ rombout gheen opgaende ... hout houden en sal daer den/ eersten termijn af in gaen sal va(n) kersmisse over een jaer/ naest comen(de) en(de) dit sal rombout voerg(enoemt) ghelove(n) voer scepene va(n) loven(e)/ Met vorwerden dat zij van malcande(re)n selen moege(n) scheiden op dat e(n)nige(n)/ gelieft tallen drie ja(r)en by also dat de(n) ghene die scheide(n) wilt den/ ande(re)n [vacat] te voe(re)n ku(n)dige(n) sal ab roel(ofs) abs(oloens) julii xxviii