Item arnd vynck die geleidt es voe(r) seke(re) zijn wettige schout te/ weten twintich grijpen tot den haefliken goeden arnds wile(n)/ van gheytenrode in deen zijde en(de) yden weduwe des selfs wilen/ arnts in dande(re) Sijn comen voe(r) scepen(en) van loeven kennen(de)/ dat sij met malcande(re)n ov(er)comen wae(re)n des hier na volght/ Te weten dat de voirs(creven) arnd zijn gebreck vand(er) voirs(creven) schout/ dwelc [af]gerekend des hij d(air)op gehaven heeft gedraeght/ vijfthien grijpen en(de) x pl(a)c(ken) den cost vanden beleide/ voirscr(even) d(air)mede inne gerekend heffen sal in des(er) vuege(n)/ te weten want de voirs(creven) yde en(de) lijnken hoe(re) docht(er) hebbe(n)/ op de stad van loeven thien pet(er)s erflic en(de) iii rijd(er)s tot/ hoe(re)r beid(er) live met scepen(en) brieven van loeven op joese/ absoloens zoen wilen henrix So es gevorw(er)t dat de/ voirs(creven) arnd de helicht vanden voirs(creven) renten van nu/ voirtaen jairlix heffen sal in mynd(er)niss(en) vand(er) voirs(creven)/ schout tot hij d(air)af volbetaelt sal zijn en(de) oft de voirs(creven)/ lijftocht afgeleeght werde so salmen tgelt wed(er) aenlegge(n)/ / aen gelijke lijfrenten d(air)af arnd voirs(creven) desgelijx sal heffen/ de helicht en(de) heeft voirt geloeft de voirs(creven) yde dat zij/ d(er) voirs(creven) hoe(re)r docht(er) als zij mu(n)dich es in dien te hebben/ dat zij alse vand(er) helicht vand(en) voirs(creven) renten lijftochte en(de)/ erflike arnde [te] theffen (con)sente(re)n sal [voer scepen(en) van loeven] en(de) in vesticheid(en)/ van [al] des(er) sal arnd voirs(creven) zijn beleid houden in sijnre/ macht tot dat hij betaelt es en(de) dan sal hijt d(er) vors(creven)/ weduwen ov(er)geven maer oft de voirs(creven) moed(er) en(de)/ kynd eer storven oft dat hem de helicht vanden vors(creven)/ renten niet en mochten volgen e(n)nich van hen beiden/ leven(de) so soude hij van dan voirtaen tot desen oic/ staen en(de) bliven op sijn recht vanden beleide Voirts/ so heeft katlijne weduwe jans wilen de ridde(re) geloeft/ hem aen des voirs(creven) es gheen hynd(er) oft geweer te/ doen met alsulken beleide als sij op te voirs(creven) goede/ d(er) voirs(creven) yden oft hue(re)r ma(n)nen hebben mach welke/(con)cordie zij geloeft hebben malcande(re)n te voldoen/ en(de) gestentich te houden sond(er) argelist velde m(er)cels/ sept(embris) xxviii