It(em) jan van houthem van thiene(n) die met conrarde wilen eernarts voertid(en)/ geleidt es tot den goeden alarts goede geheten vand(er) violetten heeft geloeft/ dat hij t(er) maniss(e) svoirs(creven) coenraets wonen(de) te thiene(n) alarts in dien hebbe(n)/ sal joffr(ouwe) iveten weduwe des voirs(creven) coenraets wonen(de) te thiene(n) dat zij/ uuten voirs(creven) beleide guedinge doen sal of quita(n)cie dwelc alarde voirs(creven)/ best gelieft vanden goeden en(de) erfpachte hier na bescr(even) den ghene(n) dien/ de voirs(creven) alart die v(er)cocht heeft of v(er)cope(n) sal by also dat de voirs(creven)/ alart tsijnre cost tgerichte d(air) voe(r) dat behoert te geschien by hae(r) bringht/ want zij niet mechtich en es selve alhier te come(n) en(de) of alarde des/ niet en geliefde te doen so heeft de voirs(creven) jan geloeft d(er) voirs(creven) weduwe(n)/ in dien te hebben dat sij met c(er)tificacie(n) vand(er) stad va(n) thiene(n) of and(er)s/ also vele doen sal dat de cope(r) besorght sal moege(n) wesen hem va(n)/ hoe(re)n wegen gheen hind(er) te geschien in tiden toecomen(de) metten voirs(creven)/ beleide vanden goeden en(de) pachte voerger(uert) te weten van seke(re)n lande/ dat houdt gheerd hardkaese gelden(de) tsjaers ii mudde core(n)s thiensch/ gelegen te ned(er)wynde Item van seke(re)n lande dat houdt willem van/ heyleshem gelegen te wange gelden(de) tsjaers iii(½) mudde corens Item/ van i(½) mudde tarwen thiensch(er) maten aen seke(re) goede vrancx doelsleghe(re)/ gelegen toverhespene(n) hier inne bevorwart dat de voirs(creven) alart lossen/ en(de) afleggen sal moete(n) ii rijd(er)s lijftochte(n) aen janne gheylinc d(air)/ voe(r) jan van houthem en(de) de voirs(creven) coenraet des voirs(creven) alarts borgen/ zijn aleer de brieve vand(er) voirs(creven) quita(n)cie(n) guedingen of afgane vand(en)/ voirs(creven) beleide die voirs(creven) weduwe doen sal stad of macht gripen/ selen of yeman(de) gegeve(n) wordden sond(er) argelist Cor(am) dyeven burg(i)m(a)g(ist)ro/ junii xviii