Item van alsulken stoote en(de) geschille als uutstaende es tusschen janne joyart/geheten coysken in deen zijde en(de) mychiele vanden voirde geheten de/becke(re) metse(re) in dande(re) hebben hen de voirs(creven) p(ar)tien gesubmitteert te wete(n)/de voirs(creven) mychiel in meest(er) matheeuse de layens en(de) wille(m)me de/conynck en(de) de voirs(creven) jan in henricken de verme(re) en(de) goirde h(er)meys/in alsulk(er) vuegen dat de voirs(creven) zegge(re)n na dat zij beid(er) p(ar)tien/reden(en) en(de) bescheid aengehoirt zelen hebben hoer uutsprake oft/zij d(er) saken eens zijn doen selen voe(r) scepen(en) van loeven bynnen xiiii/nachten naestcomende Ende oft zij also niet eens en worden/zo selen zij bynen den selven tide d(aer)af nemen he(re)n gielise de/roede canonic ts(in)te pet(er)s te loeven tot eenen ov(er)man de welke/bynnen den voirs(creven) tijde zijn uutsprake d(aer)af doen sal voe(r) scepen(en) va(n)/loeven Ende hebben geloeft vast etc(etera) op eene(n) banduyn van/eenen rijd(er) tot ons gened(ichs) he(re)n behoef Cor(am) abs(oloens) prijke(re) junii xxix