SAL7749, Akte: R°12.1 (93 van 2637)
Akte R°12.1
Act
Datum: 1455-07-05
Taal: Nederlands
Transcriptie
2016-03-21 door Wilfried GeyskensVand(en) weduwen lyeboys/
It(em) Na dat arnd vand(er) borch inde wildegans te loeven(en) alse beleidt na/
d(er) selv(er) stad rechte tot den goeden willems [vacat]/
brieve vand(er) voirs(creven) stad wegen v(er)suecken(de) v(er)cregen hadde gaende aend(en) meye(r)/
van cu(m)ptich oft zijne(n) stadhoud(er) te bynckem dat hij bedwonghe joffr(ouwe) lijsbette(n)/wed(uwe) lodwijcks wilen lyeboys en(de) alle ande(re) die hoe(re) hande hadden oft/gebruyck[t]en alalsulken erflich(eiden) en(de) goede alse joffr(ouwe) balbine wilen valkene(re)n/moed(er) d(er) voirs(creven) joffr(ouwe) lijsbetten tot bynckem hove(n)de ond(er) jacobpen uute(n)/lyemi(n)gen aldaer te houden plach en(de) d(aer) zij uut gestorve(n) wae(re) de selve/goede uut saken van dien in co(m)me(re) doende den ghene(n) die hem rechts ten/voirs(creven) goeden v(er)mete(n) wilden oft and(er)s allege(re)n dach alh(ier) voer meye(re) en(de)/scepen(en) va(n) loeven(en) bescheidende teene(n) zeke(re)n dage van rechte corts voer/leden ten welken dage de voirs(creven) arnd en(de) de voirs(creven) [vacat] bij/hem [staen(de)] inden rechte (com)pareerde t(er) eenre zijden en(de) de voirs(creven) joffr(ouwe) lijsbet/alse naden rechte d(er) stad van loeven beleidt tot den goeden d(er) voirs(creven)/wilen joffr(ouwe) balbinen horer moed(er) t(er) ande(re) aldaer na dat bevonden/wart d(er) voirs(creven) joffr(ouwe) beleit oud(er) zijnde dan dbeleit des voirs(creven) arnds/en(de) na dat van desselfs arnds wegen tvoirs(creven) beslach en(de) co(m)m(er) afgestelt/wart was de sake uutgesett en(de) geco(n)tinueerd inden rechte tot op heden/d(aer) de voirs(creven) joffr(ou) hoir gep(rese)nteert heeft en(de) v(er)socht oft de voirs(creven) arnd/niet en (com)pareerde te rechte ten opstaen(e) vanden gerichte dat zij gehoude(n)/worde vand(en) voirs(creven) goeden in hoire(n) beleide etc(etera) d(aer) op t(er) maniss(e) smeyers/de voirs(creven) scepen(en) wijsd(en) voer een vo(n)niss(e) so waer de voirs(creven) arnd/te rechte niet en (com)pareerde ten opstaene vand(en) voirs(creven) gerichte datme(n)/de voirs(creven) joffr(ou) lijsbeth houden soude in hoiren beleide also v(er)re des/noch voer hen come(n) wae(re) Act(um) cor(am) m(ichaele) abs(oloens) j(aspar) abs(oloens) et aliis scab(inis) in pleno/(con)sessu sabb(at)o julii v
Nagekeken door: Inge Moris
Moderator: Inge Moris
Schepenen
- Michiel Absoloens
- Stephanus Smacht
- Lodewijc Roelants
- Jaspar Absoloens
- Raes vanden Borchoven
- Henrick van Lyntre
- Michiel van Hortbeke
- Lodewijck vanden Meersberghe
Laatste update:: 2012-01-05 door Inge Moris