It(em) villicus lov(aniensis) median(tibus) scabinis lovan(iensibus) add(uxit) petru(m) de baersele d(i)c(tu)m de/ vette(re) t(am)q(uam) p(ro)curatorem monasterii vallis ducis ad om(n)ia et singula/ bona he(re)d(itaria) et i(m)mobilia joh(ann)is goede filii reyneri et jaq(ue)mardi goede filior(um)/ reyneri quond(am) goede quocu(m)q(ue) nomi(n)e censeant(ur) et ubicu(m)q(ue) locor(um) ta(m)/ infra lo(vaniu)[m] q(uam) ext(ra) sita (con)sistunt pro c(er)tis p(ro)miss(ionibus) et condicionib(us) (con)sc(ri)pt(is)/ in l(itte)ris scabinor(um) lov(aniensium) quar(um) tenor sequitur in h(ec) verba Cond zij/ allen lieden dat jan goede zoen reyners wilen goede es comen/ in teg(ewoirdicheit) d(er) scepen(en) van loeven en(de) heeft gekend en(de) gelijdt dat hij geno/ men heeft van brued(er) jacobbe van reppemont conv(er)s des godsh(uys)/ van sh(er)togendale inden name en(de) van wegen des selfs goidshuys/ thof geheten heeze des voirs(creven) goidshuys gelegen te graven mette(n)/ woeni(n)gen huisen hoven wynnen(de) landen en(de) ande(re)n zijnen toebeh(oirten)/ gelijc en(de) alsoe verre de voirs(creven) wilen reyne(r) vanden voirs(creven) godsh(uys)/ die voermaels gehouden heeft Te houden te hebben en(de) te/ wynnen van inganc d(er) maent van meye lestleden eenen t(er)mijn/ van vijfthien jaren langh deen na dand(er) sond(er) middel volgende/ Elcks jaers dae(re)n bynnen voir en(de) om vijfen(de)twintich mudden rogs/ goets en(de) paiabels met wanne en(de) vloegelen wael bereidt pacht/ van granen en(de) maten van loeven tsente andriesmisse ap(oste)ls te/ betalen jairlix den voirs(creven) t(er)mijn due(re)nde en(de) telken t(er)mijne alse/ vervolghde schout in desen gevorwart en(de) ond(er)sproken dat de voirs(creven)/ wyn bynnen de voirs(creven) vijfthien jaren geven en(de) betalen sal vijfthien/ geheele pachte It(em) sal de voirs(creven) wynne zijnen t(er)mijn due(re)nde de/ voirs(creven) lande wel en(de) loflic wynnen en(de) werven gelijc zijnen/ reengenoten boven en(de) beneden en(de) die laten te zijnen afscheide(n)/ gelijc hier na volght dats te weten seven boend(er) wael ende loflic/ besaeyt de vier d(air)af met roggen en(de) dand(er) drie boend(er) d(air)af met/roggen tarwen op vier getidege voe(re)n It(em) sal de wyn de brake laten/ eens omgedaen op een voe(r) en(de) den even(en)art oic op een voire/ It(em) heeft de voirs(creven) wyn metten voirs(creven) landen sess dach(mael) driesch/ de welke de selve wyn omkee(re)n en(de) werven mach wa(n)neer hem/ dat gelieft En(de) waert alsoe dat ande(re)n p(er)sonen die oic driesch/ neven de selve goede liggen(de) hebben geliefde de selve driesche(n)/ o(m)me te doen om d(air)op te saeyen des hen geliefde So es ond(er)sproken/ dat de voirs(creven) wyn oic gehouden sal zijn den voirs(creven) driesch o(m)me te/ doen gelijc zijnen reengenoten en(de) and(er)s niet It(em) heeft de/ voirs(creven) genomen wyn noch genomen en(de) bekend dat hij genome(n)/ heeft vanden voirs(creven) brued(er) jacoppen inden name als voe(r)/ de thiende geheten heeze gelijc tvoirs(creven) goidshuys die ald(air) houden(de)/ es en(de) hen toebehoirt Te houden te hebben en(de) te gebruycken/ van s(in)t jansmisse baptisten lestleden eenen t(er)mijn van vijfthien/ jaren langh deen na dand(er) sond(er) middel volgende Elcx jairs/ dae(re)n bynnen voe(r) en(de) om sesthien mudden rogs en(de) vierthien
//
mudde even(en) pacht en(de) mate als boven tsente andriesmisse ap(oste)ls te/ betalen den voirs(creven) brued(er) jacobpen den voirs(creven) t(er)mijn due(re)nde ende/ telken t(er)mijne alse vervolghde schout Item sal de voirs(creven) wyn/ noch mede hebben de hoeythiende vanden beemden begy(n)nende/ vand(er) bruggen geheten boret totter plaetsen geheten morchain It(em)/ sal de voirs(creven) wyn jairlix den voirs(creven) t(er)mijn due(re)nde hebben drie/ voed(er) hoeys te weten twee voed(er) opte beemde geheten de sart/ en(de) een voed(er) op te beemde geheten del motte It(em) en sal de selve/ wyn de voirs(creven) drie voed(er) hoeys jairlix niet moegen vue(re)n op/ gheen ande(r) wagene dan op te zijne noch met ande(re)n p(er)den/ dan metten zijnen en(de) met vijf p(er)den en(de) niet meer It(em) sal de/ voirs(creven) wyn alle tstroe dat vanden voirs(creven) landen en(de) thienden jairlix/ comen sal te meste beke(re)n en(de) dat vue(re)n op dland slands meeste(n)/ p(ro)fijte En(de) wairt alsoe dat de voirs(creven) wyn van yeman(de) and(er)s/ zijnen voirs(creven) t(er)mijn due(re)nde e(n)nige lande te pachte hielde zo/ is vorwerde dat de voirs(creven) wyn tstro van dien lande comende mette(n)/ ande(re)n co(m)mende vanden landen en(de) thienden svoirs(creven) goidsh(uys) sal/ moegen te mest beke(re)n en(de) d(air)af mest maken en(de) dat op zijn geloeve/ vue(re)n opt tvoirs(creven) buyten land zond(er) den voirs(creven) goidsh(uys) d(air)aen te/ veronrechten It(em) sal de voirs(creven) wyn jairlix den voirs(creven) t(er)mijn due(re)nde/ leve(re)n bynnen den voirs(creven) hove sess hond(er)t walme(re) stroes om de/ huysinge vanden voirs(creven) hove mede te decken en(de) alsmen die/ ald(air) verdect ty(m)mert plect oft metst van ouden wercke d(air)af/ sal de wyn den montcost geven en(de) de voirs(creven) brued(er) jacob de/ dachhue(re)n zond(er) van allen ande(re)n nuwenwercke des aen tvoirs(creven)/ hof te doen sal zijn D(air)af sal tvoirs(creven) goidshuys van coste en(de) dachue(re)n/ de last dragen Voirts zo sal de voirs(creven) wyn de huisinge vanden/ voirs(creven) hove zijnen t(er)mijn due(re)nde vand(er) underster rikelen ned(er)wart/ houden op zijnen cost It(em) sal de voirs(creven) wyn vanden voirs(creven) godsh(uys)/ sculdich zijn te houden zijnen t(er)mijn due(re)nde een cudde van/ hond(er)t en(de) twintich scapen ter helicht te twee jae(re)n te deylen/ En(de) waert alsoe dat den voirs(creven) goidshuise den voirs(creven) wynne niet/ en gelierfd geliefde te geven alsoe vele scapen als voirs(creven) es/ so mach de voirs(creven) wyn met zijnen scapen dat gebreck volcome(n)/ en(de) niet meer En(de) alle dese vorwerden geluften en(de) (con)dicien bove(n)/ bescr(even) heeft geloeft de voirs(creven) wyn den voirs(creven) brued(er) jacobpen inden/ name vanden voirs(creven) godshuise wael en(de) volcomelic te voldoen tallen/ tiden en(de) t(er)minen als die vallen en(de) verschijnen selen en(de) telken t(er)mine/ alse vervolghde schout H(ier) af zijn borgen svoirs(creven) wy(n)nen alse p(ri)ncipael/ sculde(re)n ongesund(er)t en(de) onv(er)scheiden en(de) elc voir all jamart godhy/ zweer svoirs(creven) wynnen en(de) jaquemart goede brued(er) svoirs(creven) wy(n)nen/ de welke de selve wyn hier af geloeft heeft scadeloes tontheffen/ hier wae(re)n ov(er) jan van ov(er)wynge en(de) jan de prijke(re) scepen(en) te loeve(n)/ Gegeven int jair ons he(re)n dusent vierhond(er)t en(de) zessenveertich/ achten(de)twintich dage in junio Et h(ab)uit que(re)las hiis int(er)f(uerunt)/ hortbeke (et) m(eer)sberge m(ar)cii iiii

Si(mi)li modo ad mobilia eisd(em)