It(em) jan vredericx soen wilen jans vredericx in teg(enwoirdicheit) der scepen(en) van loeven/ gestaen heeft gecoren belieft en(de) aengenomen alsulken zoene als and(er)wile/ gemaict en(de) geschiet es bide vriende en(de) maghe des selfs jans [doen onder sijn dage sijnde] in deen/ zijde ende janne tuyts zijnen vrienden en(de) maghen ter ande(re) Alse/ vander doot des voirs(creven) wilen jans vredericx biden voirs(creven) ja(n)ne/ tuyts van live ter doot bracht Sceldende de vors(creven) jan vredericx/ den voirs(creven) janne tuyts vander misdaet vanden voirs(creven) dootslage vol/ comelic quite Gelovende voerts de selve jan vredericx de/ voirs(creven) zoene tot eeuwegen dagen vast gestentich en(de) van weerden/ te houden en(de) daer tegen nu(m)m(er)meer te doen of te comen by/ hem selven of by yeman(ne) anders in e(n)niger manie(re)n allen argelist/ uutgesceiden lynte(re) meersb(er)ge martii xv
//