It(em) henrick vander blaect arndssoen s(in)te pet(er)sman van loeven t(er) eenre zijde(n)/en(de) jan van wesenbeke scouth(eit) van zanthoven t(er) ande(re) zijn ov(er)comen/in des(en) vuegen te weten dat de voirs(creven) henrick die alhier xiiii nacht/en(de) meer gevangen geseten heeft voer de so(m)me van xxxvii ryd(er)s/en(de) cost en(de) co(m)me(re) van rechte d(aer)op slaende geloeft heeft met den/voirs(creven) scouth(eit) tsanthoven ind(en) vroenten te trecken en(de) aldair xiiii/nacht bliven sittende op vroentrecht om by(n)nen middelen tide/oft hij kan desselfs scouth(eit) moet te crigen dwelc of hij by(n)nen/middelen tide niet en dede zo heeft geloeft en(de) gewillecoert de/voirs(creven) henrick alsdan aldair tsanthoven van des voirs(creven) es rechts te/plegen gelijc en(de) in alld(er) manie(re)n oft tvo(n)niss(e) dat tegen hem/te loeven gegaen es en(de) dair hij hier voer gehouden es geweest/tot santhoven gegaen en(de) gewijst wae(re) geweest zond(er) e(n)nich geweer/met zijnre vrijheit van s(in)te pet(er)smanscape oft and(er)ssins dairtege(n)/in desen e(n)nichsins te suecken of te gebruycken voird(er) dan d(er) bancke(n)/recht van zanthoven vermach met den welken de voirs(creven) scouth(eit)/te vreden hem heeft gekend en(de) geloeft den voirs(creven) henricken dae(re)n/boven oft gheenssins voird(er) oft and(er)s te tracte(re)n oft te moeyen vandes/voirs(creven) es in e(n)nig(er) manie(re)n sond(er) argelist roelants abs(oloens) s(in)te/pet(er)sma(n)ne en(de) scepen(en) aug(usti) ix