henrick george/ It(em) Nadat biden raide vander stad alhier ten vervolge henricks george woenen(de)/ te cleynghete ond(er) thootvo(n)niss(e) d(er) stad van loeven janne maricke bailliu te ghete/ bescreven es geweest op tsmesgrijp en(de) excess dat de voirs(creven) balliu aenden/ voirs(creven) henricken begaen zoude hebben dat hij den selven ond(er)sete aengetast/ hadde te jachelet en(de) ond(er)wegen gheete dair hij ten vuerde geduy(m)ysert en(de)/ zond(er) recht oft wet en(de) vo(n)niss(e) die de selve gevanghene versochte geex/ actioneert meshandelt en(de) gecomposeert hadde tot iii saluyten en(de) v stuv(er)s/ voer den voirs(creven) vorst(er) uut ocsuyne van pe(n)ni(n)gbroeken die hem de voirs(creven) bailliu/ alse berucht te zijne van eenen pale versett te hebbene opthijende/ was gelijc de selve bailliu in zijnre onschout alhier genoech alls/ dien aengaende kynde Es inden raide vander stad doeghdelic de gelegenth(ei)t/ voer ogen genomen zijnde en(de) deliberacie en(de) raed daerop ierst gehadt/ overdragen en(de) voir recht en(de) bescheid get(er)mineert dat de voirs(creven) bailliu/ en(de) zijn vorste(r) zullen wedergeven en(de) restitue(re)n den voirs(creven) henricken all/ alsulken gelt als zij zond(er) recht oft wet van hem gehadt hebben tsame(n)/ met den redeliken costen en(de) zunderlinge vanden brieven hier om aenden/ voirs(creven) bailliu gescreven en(de) bestelt Ende dat hij oft zij vanden sourpluse/ den voirs(creven) henricken ongemoeytt laten zullen zond(er) hem te traveille(re)n/ oft meshandelen by wegen van faite oft exactien in e(n)nig(er) manie(re)n/ behoudelic om alles rechts en(de) bescheids wille eest dat de voirs(creven)/ bailliu van zijns heerscaps wegen oft and(er)s den voirs(creven) henricken/ ergens af bethijen oft yet eysschen wille dat hij dat doe alsoe/ hij dat vermach met rechte en(de) vo(n)niss(e) gelijc dat behoirt ende/ dat hij hem hier inne alsoe vuege dat mids zijnen voirde(re)n/ mesgrijpe gheen noot en zij voird(er) ten schuwen van geliken en(de)/ ond(er)houden(de) van rechte d(aer)op behoefliken te verziene Act(um) p(re)siden(tibus)/ roelofs prijke(re) burgim(a)g(ist)ris et aliis q(uam)plu(ri)b(us) de (con)silio ja(nuarii) xi
//