Cond zij allen lieden dat thomaes heman mulde(r) van bossuut/ in teg(enwoirdicheit) heeft genomen en(de) bekent dat hij genomen heeft/ van lambrechte van wynge rentmeeste(r) she(re)n van croy tot/ arschot te hev(er)le etc(etera) de watermoelen des voirs(creven) m(ijn) he(re)n/ gelegen te hev(er)le Te houden te hebben en(de) te gebruycken/ van kersmisse lestleden eene(n) t(er)mijn van sess jae(re)n langh/ deen na dand(er) staphans sond(er) middel volgende Elcx/ jaers dae(re)n bynnen om vie(re)nveertich mudden rogs d(er) m/ goets en(de) payabels met wa(n)ne en(de) vede(re)n wail bereidt/ d(er) maten van loeven tallen dr tvie(re)ndeel [d(aer)af] te halfm(er)te/ tvie(re)ndeel te s(in)t jansmisse tvie(re)ndeel te bamesse en(de) tvie/ rendeel te kersmesse te betalen en(de) te loeven daert den/ voirs(creven) rentmeeste(r) gelieven sal te leve(re)n Alle jare den/ voirs(creven) t(er)mijn due(re)nde en(de) telken t(er)mijne alse vervolghde/ schout Met vorwerden dat de voirs(creven) mulde(r) den voirs(creven)/ t(er)mijn due(re)nde gehouden sal zijn de voirs(creven) moelen te/ houden van [gestellen] ca(m)men spillen voete en(de) sporen op zijnen/ cost en(de) last ende dande(r) instrumenten en(de) moelenwerck/ sal de voirs(creven) he(re) van croy sculdich zijn te houden en(de) te/ repare(re)n sond(er) smolders cost met condicien waer de/ moelen mids gebreke van dier rep(ar)acien stille stonde/ en(de) niet gemalen en conste boven drie dage deen/ na dand(er) [na dat hij den rentmeeste(r) dat gecundicht hadde] dat dan van dat meer st ledich stonde den/ voirs(creven) molde(r) aen zijnen voirs(creven) pacht afcorten sal na/ gelande vanden selven pachte en(de) tide sond(er) argelist/ hier voe(r) zijn borgen svoirs(creven) molders peter heman zijn/ brued(er) jorart zoen baddarts del mez van bossuut zweer/ des voirs(creven) thoemaes en(de) gielart gheerd van dyon le mont/ swag(er) des voirs(creven) thomaes et p(ri)m(us) j(aspar) abs(oloens) et hortbeke ja(nuarii) xvii
//

Add(uctio) h(ab)e(tur) ap(ri)[l(is)]/ xii lib(r)[o] lvi

S(ententiatu)m roelofs/ lye(ming)[en] m(ar)tii/ xxvi a(nn)[o] lvi/ p(er) receptore(m)