It(em) Also als in recht comen zijn voer meye(r) en(de) scepen(en) van loeven vranck/ braeckma(n)s die geleidt es tot den goeden have en(de) erve lyebrechts/ jans en(de) wouters van beethoven gebruede(re)n kynde(re) wout(er)s wilen van/ beethoven peters gans willems sausen ende jans beys swage(re)n/ der selver gebruede(re)n in deen zijde ende jan bovens scrijnmake(r) die/ geleidt es tot den goeden wouters vander ca(m)men die getruwt/ heeft joffr(ouwe) machtelden wettige dochter wout(er)s wilen van aelst/ brueders der voirs(creven) gebruede(re)n vanden voerbedde in dande(r) Aldaer/ de voirs(creven) vrancke sijn beleid gelesen zijnde dede lesen een seke(re)/ goede gelijc die h(ier)onder genoemt zijn bege(re)nde vanden selven/

goeden gehouden te worden inder voirs(creven) sess p(er)sonen kynsgedeelte/ vanden selven goeden meynende dat hem dat sculdich wae(r)/ te volgen gem(er)ct dat de selve goede comen wae(re)n van weghen/ wilen joffr(ouwe) machtelden oliviers moeder d(er) voirs(creven) drie gebruede(re)n/ en(de) van sweger der voirs(creven) pet(er)s wille(m)s en(de) jans geswage(re)n welke/ drie gebruede(re)n en(de) hoe(re) zuste(re)n wettige huysvrouwen d(er) voirs(creven) ge/ swage(re)n de selve joffr(ouwe) machteld hadde vanden voirs(creven) wilen/ woute(re)n hoe(re)n naman en(de) also wae(re)n zij also v en(de) elc va(n) hen/ also wale gericht inde voirs(creven) goede als was de voirs(creven) wilen/ wout(er) van aelst hae(r) soen vanden voerbedde gedragen(de) hen des/ tot den rechte daerop de voirs(creven) jan bovens dede seggen dat/ hij meynde dat de voirs(creven) vranck met zijnen eysche v(er)doolt wae(re)/ sunderlinge mids enen scepen(en) brieve van meldert daer inne/ de voirs(creven) wilen wout(er) van beethoven en(de) joffr(ouwe) machtelt hadden/ alle de voirs(creven) goede quijtgescouden en(de) by also dat zij hoe(re)n wille/ soude hebben moegen doen met enen stuck beemds [en(de) hebbe(n) souden vi mudde(n) corens d(er) selver joffr(ouwe) lijsbetten leefdage langh] gelijc den/ selve(n) brief die inden rechte gelesen waert dat inhelt welke(n)/ brief de also de voirs(creven) vranck meynde hem na recht gheen/ onstade doen en soude etc(etera) So hebben de scepen(en) van loeven/ ter maniss(e) smeyers gewijst voe(r) een vo(n)niss(e) dat den voirs(creven)/ vrancken volgen sal inder moeder goede tkynsgedeelte vande(n)/ p(er)sonen die hem den brief bekend hebben Cor(am) smacht roel(ants)/ abs(oloens) borch(oven) lynte(re) hortbeke m(ar)tii ii/